Tengrinews.KZ парақшасынан алынған ақпаратқа сәйкес, Qazaq24.com хабарлайды..
23 қазанда Ақордада Республика күні қарсаңында Қасым-Жомарт Тоқаевтың қатысуымен мемлекеттік наградаларды тапсыру салтанаты өтті, деп хабарлайды Tengrinews.kz.
Салтанатты іс-шарада сөйлеген сөзінде Президент 2019 жылдан бері Қазақстан экономикасының өсімі шамамен 30 пайызды құрағанын атап өтті. Жан басына шаққандағы ЖІӨ көлемі 15 мың доллардан асты.
"Ұлттық қор – балаларға" бағдарламасы аясында 7 миллионға жуық баланың есепшотына қаражат аударылды", - деді Президент Тоқаев деректерді келтіре отырып.
Ол халықтың орташа өмір сүру ұзақтығы 76 жасқа жақындағанын айтты. Дүниежүзілік банктің мәліметінше, Қазақстан бұл көрсеткіш бойынша өңірде көш бастап тұр.
"Біз ұлттық экономиканың әлеуетін күшейтуге басымдық беріп, баса назар аударып отырмыз. Әлемдегі ең ықпалды елдердің қатарына қосылып, 34-орында тұрмыз. Еліміздің жалпы ішкі өнім көлемі 350 миллиард долларға жетіп келе жатыр. Бұл – Тәуелсіз Мемлекеттер Достастығы шеңберіндегі екінші орын деген сөз. Шағын және орта бизнестің жалпы ішкі өнімдегі үлесі айтарлықтай артты, яғни 40 пайызға жетті. Кәсіпкерлеріміз отандық тауар өндірісін ұлғайтып, жаңа іскерлік мәдениеті қалыптасуда", - деп толықтырды Мемлекет басшысы.
Бүгінде бұл салада Қазақстанның еңбекке қабілетті азаматтарының жартысына жуығы еңбек етеді.
Ақорданың баспасөз қызметінің фотосы
Сондай-ақ Президент кейінгі бес жылда өңдеу өнеркәсібі экспортының үлесі 45 пайыздан асқанын атап өтті.
Айта кетейік, 23 қазанда Республика күні ұлттық мерекесі қарсаңында Қазақстан Президентінің Жарлығымен елдің әлеуметтік-экономикалық және мәдени-рухани дамуына, халықтар арасындағы достық пен ынтымақтастықты нығайтуға қосқан елеулі үлесі, белсенді қоғамдық қызметі үшін бірқатар азаматтар мемлекеттік наградалармен марапатталды.
Instagram-дағы бұл жарияланымды көру
Дәрігерлер, мұғалімдер, жұмысшылар: Тоқаев Республика күніне орай қазақстандықтарды марапаттады
Ақорданың баспасөз қызметінің фотосы
Марапатталғандардың қатарында еңбек ардагерлері, жұмысшы мамандықтары мен өндіріс саласының өкілдері, бизнес, білім және ғылым, денсаулық сақтау саласының қызметкерлері, әскери қызметшілер, құқық қорғау органдарының қызметкерлері, спортшылар, мәдениет және өнер қайраткерлері бар. Марапатталғандар тізімін осы жерден көре аласыз.
Бізді Google-дың негізгі дереккөздер тізіміне қосыңыз
Қосу