Qazaq24.com, Inform.KZ дереккөзінен алынған ақпаратқа сүйене отырып жаңалық таратты..
Әлеуметтік қызметкерлердің біліктілігін тану орталығы 2025 жылы Әлеуметтік қорғау саласын дамытудың ұлттық ғылыми орталығы базасында құрылды. Бүгінгі таңда 2 453 әлеуметтік қызметкер кәсіби дайындығын растады. Алынған сертификат аттестаттаудан өту және біліктілік санатын беру кезіндегі негізгі құжат болып табылады.
— Былтырдан бастап әлеуметтік сала мамандарының кәсіби құзыреттілігі туралы мәліметтерді қамтитын Әлеуметтік қызметкерлер тізілімі жұмыс істейді. Бұдан бөлек Enbek.skills білім беру платформасында 12 мыңнан астам әлеуметтік қызметкер оқытылды. Олардың барлығы курстарды сәтті аяқтап, сертификаттарын алды. Оқыту модульдері кейс-менеджментті, ведомствоаралық өзара іс-қимылды, қызмет алушыларды сүйемелдеуді цифрландыруды және әлеуметтік жұмыстағы инклюзивті тәсілдерді қамтиды, — делінген хабарламада.
Іске асырылып жатқан барлық шаралар әлеуметтік қызметкерлерді халықаралық стандарттарға сәйкес кәсіби даярлаудың жоғары деңгейін қамтамасыз етуге және халыққа көрсетілетін әлеуметтік қызметтердің сапасын арттыруға бағытталған.
Министрлік кадрлық әлеуетті дамыту, цифрлық құралдарды енгізу және әлеуметтік қорғаудың тұрақты, адамға бағытталған жүйесін қалыптастыру бойынша жүйелі жұмысты жалғастыра береді.
Жүректің жылуы мен мейірімін көрсететін әлеуметтік қызметкерлердің жұмысы қалай басталады, қалай өрбиді? Мына сілтемеден оқыңыз.