Azh.KZ парақшасындағы ақпаратқа сәйкес, Qazaq24.com хабар таратты..

Видеодан скриншот Атырау қаласында қоғамдық қауіпсіздікті арттыру мақсатында іске қосылған интеллектуалды бейнеаналитика жүйесі өз тиімділігін дәлелдеп келеді.

Polisia.kz хабарлауынша, жыл басынан бері ЖИ көмегімен 209 адам анықталып, оның ішінде 119 құқық бұзушы полицияға жеткізілген.

Қазіргі таңда қалада жасанды интеллект элементтерімен жабдықталған 75 бейнебақылау камерасы жұмыс істейді.

Олар адамдар көп жиналатын орындарға — аялдамаларға, әуежай мен теміржол вокзалына, сондай-ақ автовокзал аумағына орнатылған.

Жүйе азаматтардың бет-бейнесін танып, агрессивті мінез-құлықты, күмәнді әрекеттер мен адамдардың шамадан тыс жиналуын автоматты түрде тіркейді.

Мұндай жағдайлар анықталған сәтте жедел қызметтерге бірден хабарлама жіберіледі.

Сонымен қатар, іздеуде жүрген тұлғалардың фотосуреттері жүйеге енгізіліп, сәйкестендіру арқылы дереу басқару орталығына ақпарат түседі.