8 мамырға арналған ауа райы болжамы: Еліміздің басым бөлігінде жаңбыр жауады

Qazaq24.com, Egemen.KZ дереккөзінен алынған мәліметтерге сүйене отырып ақпарат бөліседі..

8 мамыр күні еліміздің бірқатар өңірінде ауа райы құбылмалы болады. «Қазгидромет» мамандары ел аумағының басым бөлігінде жаңбыр жауып, найзағай ойнайтынын мәлімдеді, деп хабарлайды Egemen.kz.

Фото: Ашық дереккөз

Астанада күн бұлтты, жаңбыр жауып, найзағай ойнайды. Желдің екпіні күндіз 15-18 м/с-қа дейін күшейеді. Ауа температурасы түнде +10...+12°C, күндіз +23...+25°C жылы болмақ.

Алматы облысында ауа райына байланысты ескерту жарияланып, таулы аймақтарда жаңбыр мен найзағай күтіледі. Сонымен қатар күндіз аптап ыстық болып, ауа температурасы +36°C-қа дейін көтеріледі.

Алматыда күн ала бұлтты, жауын-шашынсыз. Күндіз ауа температурасы +30...+32°C-қа дейін ысиды.

Шымкентте де жауын-шашын болмайды. Күндіз +33...+35°C аптап ыстық күтіледі.

Мереке күндері ауа райы қандай болады?

Ақтауда, Ақтөбеде және Атырауда күн бұлтты болып, жаңбыр мен найзағай болжанып отыр.

Қарағанды, Көкшетау, Павлодар және Оралда жаңбыр жауып, найзағай ойнайды. Кей өңірлерде желдің екпіні 15-20 м/с-қа дейін жетеді.

Қостанай мен Петропавлда күн райы құбылып, жауын-шашын түседі.

Ал Жезқазған, Қонаев, Қызылорда, Семей, Талдықорған, Тараз, Түркістан және Өскемен қалаларында жауын-шашынсыз ауа райы сақталады.

Еліміздің оңтүстік өңірлерінде күн айтарлықтай ысиды. Таразда күндіз ауа температурасы +34...+36°C, Түркістан мен Шымкентте +33...+35°C-қа дейін жетеді.