Qazaq24.com, Azh.KZ дереккөзінен алынған мәліметтерге сүйене отырып түсініктеме береді..
Атырау облысында жылыту маусымы басталғалы 86 өрт оқиғасы тіркелді. Қайғылы оқиғалар бірнеше адамның ажалына себеп болды, деп хабарлайды Өңірлік коммуникациялар қызметі.
Атырау облысы Төтенше жағдайлар департаментінің Мемлекеттік өрт бақылау басқармасының бастығы Бағдат Абдуллин мәліметі бойынша, өңірдегі өрт оқиғаларының салдары өте ауыр болды.
Өрт салдарынан үш адам қаза тауып, екі адам түрлі дәрежедегі күйік жарақатын алған. Сонымен қатар табиғи газдан уланудың бес дерегі анықталған.
Мамандардың мәліметінше, өрттің негізгі себептері - электр желілеріндегі қысқа тұйықталу, жылыту пештері мен қазандықтарды дұрыс орнатпау және пайдалану, сондай-ақ отты абайсыз қолдану.
Қауіптің алдын алу мақсатында өңірде әлеуметтік осал топтарға жататын тұрғындардың үйлеріне 421 газ датчигі мен 1100 түтін датчигі орнатылып, 30 мыңнан астам үйде түсіндіру жұмыстары жүргізілді.
- Жылыту құрылғыларын дұрыс пайдаланып, түтін мұржаларын уақтылы тазалау қажет. Электр желілерінің жарамдылығын үнемі бақылауда ұстау маңызды. Қарапайым қауіпсіздік ережелерін сақтау - адам өмірін сақтап қалудың басты кепілі, – деді Бағдат Абдуллин тұрғындарды қауіпсіздік талаптарын қатаң сақтауға шақырып.
Бүгін, 18:10