Aikyn.KZ парақшасындағы ақпаратқа сәйкес, Qazaq24.com хабар таратты..
Әдебиет қоғамды өзгерте ала ма, әлде? Бұл сұрақты Aikyn.kz тілшісі қазақ әдебиетінің көрнекті өкілі, жазушы Әлібек Асқаровтан сұрап көрді.
– Әдебиеттің қоғамды өзгерткен алтын замандары өтіп кеткен сияқты. Қазір бәрінің қолында смартфон, үйде теледидар... Бүгінгі қоғамдық сананы өзгертіп жатқандар, міне, осылар шығар деген ойдамын. Алайда мені жастардың әлеуметтік желіге соншалықты үйірсек болып кеткендері алаңдатады. Балалардың далаға шығып ойнауы да, табиғатты қызықтап серуендеуі де азайып кетті. Қашан көрсең телефонға жабысып, шұқшиып отырғандары. Әлеуметтік желі бүгінгі заманның ұлы жаңалығының бірі, өмірдегі игіліктің бір көзі екенін мойындаймыз. Одан іздеген ақпаратыңды табатының тағы рас. Бірақ ғалымдар оның адамға тереңдеп білім бере алмайтынын жалықпай айтып жүр. «Абай жолы» секілді төрт томдық кітапты телефоннан оқып шығу мүмкін емес қой! Оқиын десең, ақыры соқыр боп шығасың. Сондықтан игіліктің бәрін ретімен, жөнімен пайдаланған дұрыс. Кітаптың орны бөлек екенін жастарға уағыздаумен жүрген кісінің бірі мына менмін, - деп жауап берді жазушы
Сұхбаттың толық нұсқасын мына сілтемеден оқи аласыз