Qazaq24.com, Inform.KZ дереккөзінен алынған мәліметтерге сүйене отырып жаңалық жариялады..
Қойылым – қазақ драматургиясының алтын қорына енген, ұлт рухы мен халықтың тарихи тағдырын терең бейнелейтін көрнекті туынды. Театр ұжымы спектакльді жаңа режиссерлік шешіммен ұсынып, классикалық шығарманы заманауи сахналық тіл арқылы жаңаша пайымдаған.
Фото: ҚР Мәдениет және ақпарат министрлігіТеатрға сапары аясында Аида Балаева ұжымның тыныс-тіршілігімен танысып, қызметкерлермен кездесу өткізді.
Фото: ҚР Мәдениет және ақпарат министрлігі-Мемлекет басшысы мәдениет саласына ерекше мән береді. Президент ұлт рухын асқақтатып, рухани тұтастықты нығайтып жүрген сіздер – мәдениет қайраткерлерінің еңбегін әрдайым жоғары бағалайды, – деді ол.
Биыл «Жастар» театрының ашылғанына бір жыл толып отыр. Қазіргі уақытта театр репертуарында 10 қойылым бар. Жас театр халықаралық деңгейде де танылып үлгерді.
2025 жылы Алжирде өткен The International Cultural Festival of Desert Theatre фестивалінде бас жүлдені жеңіп алды. Сонымен қатар 2026 жылғы сәуірде Франциядағы GRRRANIT – Scène nationale de Belfort театрымен ынтымақтастық туралы меморандумға қол қойылды. Сондай-ақ театр Италия, Корея және Канада елдеріндегі әріптестерімен әріптестік байланыс орнатып, бірлескен жобаларды жүзеге асыру және халықаралық фестиваль ұйымдастыру бағытындағы мүмкіндіктерді қарастырып отыр.
Фото: ҚР Мәдениет және ақпарат министрлігіБүгінде театр ұжымында 145 адам еңбек етеді. Оның ішінде 50 әртіс және 18 шығармашылық құрам өкілі бар.
Осыған дейін Аида Балаеваның жұмыс сапарымен Шымкентке барғаны туралы жаздық.
Айта кетейік, бүгін «Қозы Көрпеш – Баян сұлу» күні.