Qazaq24.com, Sputnik.KZ дереккөзінен алынған мәліметтерге сүйене отырып мәлімдеме жасады..
АСТАНА, 5 маусым – Sputnik. Air Astana 20 маусымнан бастап Алматы-Дубай-Алматы және 10 шілдеден бастап Астана-Дубай-Астана тұрақты рейстерін жандандыруды жоспарлап отыр, деп хабарлады компанияның баспасөз қызметі.
Иран әуе кеңістігінің жабылуына байланысты рейстер қауіпсіз әрі сенімді әуе қатынасын қамтамасыз ету мақсатында Пәкістан аумағы арқылы орындалады.
Ұшу жиілігі кезең-кезеңімен артады:
Алматы-Дубай-Алматы
15–21 маусым: аптасына 2 рейс (сенбі, жексенбі);
22–28 маусым: аптасына 4 рейс (бейсенбі, жұма, сенбі, жексенбі);
29 маусым: 5 шілде – аптасына 6 рейс (сейсенбіден басқа күн сайын);
6–12 шілде: аптасына 7 рейс (күн сайын).
Астана-Дубай-Астана
10 - 19 шілде: аптасына 3 рейс (жұма, сенбі, жексенбі);
20 - 26 шілде: аптасына 4 рейс (сейсенбі, жұма, сенбі, жексенбі);
27 шілде - 2 тамыз: аптасына 5 рейс (дүйсенбі және сәрсенбі күндерінен басқа барлық күндер);
3 - 9 тамыз: аптасына 7 рейс (күн сайын).
31 шілдеге дейінгі рейстерге билеттері қайта брондалған жолаушыларға 20 маусымнан бастап Алматыдан және 10 шілдеден бастап Астанадан Дубайға ұшатын рейстерге тегін қайта брондау мүмкіндігі ұсынылады.
Әуе компаниясы өңірдегі ахуалды жіті бақылап отырғанын атап өтті. Таяу Шығыстағы жағдайға байланысты ұшу кестесіне өзгерістер енгізілуі мүмкін. Қосымша өзгерістер болған жағдайда жолаушыларға алдын ала хабарланады.