Qazaq24.com, Egemen.KZ дереккөзінен алынған мәліметтерге сүйене отырып түсініктеме береді..
Фото: istockphoto.com
Банк мәліметінше, бағдарлама аясында салынып жатқан тұрғын үйді, бастапқы немесе 2016 жылдан кейін салынған қайталама нарықтағы пәтерді Қазақстанның кез келген қаласынан, тіркеуге қарамастан сатып алуға болады. Сондай-ақ баспана сатып алу мен жөндеу жұмыстарына бір несие рәсімдеу мүмкіндігі қарастырылған.
Бағдарлама бойынша конкурс өткізілмейді. Несиелер өтінімдердің түсу ретіне және олардың мақұлдануына қарай беріледі.
«Ұмай» ипотекасына өтінім қабылдау басталады: Негізгі шарттары қандай?
Жаңартылған талаптарға сәйкес, отбасының ай сайынғы таза табысы 1,25 млн теңгеден аспауы тиіс. Бұған дейін бұл шек 950 мың теңге болған. Сонымен қатар төлем қабілеттілігін растау және сатып алынған тұрғын үйде міндетті түрде тұру талабы сақталады.
Бағдарлама бойынша берілетін несиенің ең жоғары сомасы 50 млн теңгені құрайды. Алматы мен Астанада баспана сатып алған жағдайда банк тұрғын үй құнының 80%-ына дейін, ал басқа өңірлерде 85%-ына дейін несие береді. Қалған бөлігін қарыз алушы бастапқы жарна ретінде өзі төлеуі қажет.
Бастапқы жарна депозиттегі жинақ көлеміне қарай 0%-дан 50%-ға дейін болуы мүмкін. Несие мерзімі 25 жылға дейін белгіленген.
Бағдарламаның маңызды талаптарының бірі – сатып алынатын тұрғын үй міндетті түрде әйел адамның атына рәсімделуі тиіс. Егер қатысушы некеде болса, баспана ортақ мүлік ретінде тіркеледі. Сонымен қатар бағдарлама бойынша қосалқы қарыз алушыны тартуға рұқсат етіледі.
Банк «Ұмай» бағдарламасының іске қосылатын күні мен жаңа пайыздық мөлшерлемелері туралы қосымша хабарланатынын мәлімдеді.
Еске сала кетейік, елімізде ипотекалық несиелер бойынша жылдық тиімді сыйақы мөлшерлемесінің шекті деңгейін есептеу тәртібі өзгерді. Енді ипотека мөлшерлемесі бастапқы жарнаның көлеміне байланысты белгіленеді.