Tengrinews.KZ парақшасынан алынған ақпаратқа сәйкес, Qazaq24.com хабарлайды..
Астана – Алматы рейсінің жолаушысы қону кезінде ұшқыштар кабинасына бағытталған лазер сәулесі туралы хабарлады. Көліктегі полиция департаменті бұл мәселеге қатысты ресми өтініш түспегенін мәлімдеді, деп хабарлайды Tengri Travel.
Не болды?
Біздің редакцияның WhatsApp нөміріне Астана – Алматы бағытындағы кешкі рейстің жолаушысы хабарласты. Оның айтуынша, 6 қыркүйекте біреулер лазермен ұшқыштар кабинасын соқыр етуге тырысқан.
Полиция не деді?"Алматы әуежайына қонуға бет алған едік. Мұндай әрекетке баратындарға айтарға сөзім жоқ", - деді ол.
Біз жағдайға қатысты пікір алу үшін Көліктегі полиция департаментінің баспасөз қызметіне хабарластық. Ондағылар мұндай оқиғаның тіркелмегенін, ал әуекомпаниялары мен жолаушылар тарапынан шағым түспегенін мәлімдеді.
"Алматы қаласы әуежайындағы Желілік полиция бөлімінде әуе кемелері ұшқыштарының көзін лазермен шағылыстыру деректері тіркелген жоқ. Сонымен қатар әуекомпаниялары мен азаматтардан шағымдар мен өтініштер түскен жоқ", - деп атап өтті Көліктегі ПД өкілдері.
Десе де, Көліктегі ПД мұндай әрекеттер жүздеген адамның өмірі мен денсаулығына тікелей қауіп төндіретінін, ал заң бұзушы 10 жылға дейін бас бостандығынан айырылуы мүмкін екенін ескертті.
Қазақстанда мұндай жағдайлар қаншалықты жиі болады?"Қазақстан Қылмыстық кодексінің 352-1-бабында ұшу қауіпсіздігіне қатер төндіретін, ұшқыштардың көзін лазермен шағылыстырғаны үшін қылмыстық жауапкершілік қарастырылғанын ескертеміз. Мұндай қылмыс үшін ең жоғары жаза - 10 жылға дейін бас бостандығынан айыру", - деп хабарлады Көліктегі ПД.
Бас прокуратураның мәліметінше, 2019 жылдан 2025 жылға дейін елде жолаушылар ұшағы экипаждарының көзін лазермен шағылыстырудың 98 әрекеті тіркелген. Бұл жағдай көбіне Алматы әуежайында болады: егер 2017 жылы мұндай 8 дерек қана анықталса, 2023 жылға қарай олардың саны 30-ға дейін өскен.
Google News арқылы жаңалықтарымызды қадағалаңыз
Жазылу