Sputnik.KZ парақшасынан алынған деректерге сүйене отырып, Qazaq24.com жаңалық жариялайды..
АСТАНА, 15 сәуір – Sputnik. Ташкентте өтіп жатқан таеквондодан әлем біріншілігінде қазақстандық Айым Серікбаева жастар арасында әлем чемпионы атанды, деп хабарлады Qazsporttv.
Айым Серікбаева (-44 кг) финалда мексикалық Понсе Нуньес Дара Ширлиді 2:0 есебімен жеңді.
"Қазақстан таеквондо (WT) федерациясының баспасөз қызметіның хабарлауынша спортшы араға 20 жыл салып Қазақстан қоржынына жастар арасындағы әлем чемпионатының алтын медалін салды", - деп жазылған хабарламада.
Бұған дейін, таеквондодан Қазақстан жастар құрамасы соңғы рет алтын медалді 2006 жылы жеңіп алған.
Сонымен қатар, Айым Серікбаева Азия чемпионы және жастар арасындағы Азия ойындарының жеңімпазы атанған.