Sputnik.KZ парақшасынан алынған деректерге сүйене отырып, Qazaq24.com хабарлама жасады..
АСТАНА, 6 ақпан – Sputnik. Сенат депутаттары креативті индустрияларды қолдау және дамытуға қатысты заңнамалық өзгерістерді мақұлдады, деп хабарлайды Sputnik Қазақстан тілшісі.
Заңда бірқатар маңызды шаралар қарастырылған. Олар:
креативті индустрия субъектілерінің тізілімін енгізу;
әкімдіктерге шығармашылықпен айналысатын азаматтар мен таланттардың танылуына және олардың әлеуетін іске асыруға жағдай жасау жөніндегі өкілеттіктер беру;
креативті индустрия субъектілерінонлайн форматта есепке алу;
креативті индустрияларда еңбек ететін жұмыскерлердің құқықтарын заңнамалық деңгейде бекіту;
"Бұдан бөлек, шетелдік шығармашылық ұжымдар мен орындаушылардың қатысуымен өтетін мәдени-бұқаралық іс-шараларды алдын ала келісу тәртібі айқындалады. Сондай-ақ фильмдерді прокатқа дейін сараптау, прокаттау куәлігін беру мерзімін ұлғайту, жастарды креативті қызметке тарту және республикалық мемлекеттік мәдениет ұйымдарының мүлкін жалға беру тәртібі нақты регламенттеледі", - дейді сенатор Айгүл Қапбарова.
Оның айтуынша, заң халқымыздың шығармашылық әлеуетін арттыруға, бәсекеге қабілетті креативті өнімдерді жасауға және оларды ішкі әрі сыртқы нарықта тиімді монетизациялауға мүмкіндік береді.
Бүгін сенат депутаттары заңды мақұлдап, президенттің қарауына жіберді.