Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратады..
Ішкі істер министрлігі бұған дейін жолдағы атышулы әрекеттерімен танылған 28 жастағы Назар Ролланға іздеу жариялады. Ақпаратты Tengrinews.kz-ке Алматы полиция департаменті растады.
Қазанның ортасында Бас прокуратураның Құқықтық статистика және арнайы есепке алу жөніндегі порталында Назар Ролланға іздеу жарияланғаны туралы ақпарат пайда болды.
Іздеу ісі ІІМ-нің бастамасымен 14 қазанда тіркелген.
Іздестіру шараларын Алматы ПД Алмалы аудандық полиция басқармасы жүргізіп жатыр.
qamqor.gov.kz сайтынан алынған скриншот
Алматы полиция департаментінің Tengrinews.kz редакциясының ресми сауалына берген жауабында қазір бұзақылық дерегі бойынша қылмыстық іс тергеліп жатқаны айтылды. Назар Роллан күдікті ретінде танылған.
"Бұған дейін оған қатысты ешқайда кетпеу және тиісті мінез-құлық туралы қолхат түріндегі бұлтартпау шарасы таңдалған. Сотқа дейінгі тергеп-тексеру органына келмеуіне және оның тергеу әрекеттеріне қатысуын қамтамасыз ету қажеттілігіне байланысты оған іздеу жарияланды", - деп хабарлады департамент.
Полиция өкілдері қазір күдіктінің жүрген жерін анықтауға бағытталған жедел-іздестіру шаралары жүргізіліп жатқанын айтты.
Бұған дейін Kozachkov offside Telegram-арнасы Ролланның Алматыдағы "Льдинка" кафесінде болған төбелестен кейін қылмыстық іс фигуранты болғанын хабарлаған. Арна авторының айтуынша, осы іс бойынша Назардың сүйіктісі де тергеліп жатыр.
Сондай-ақ жас жігіттің тергеу амалдарына бірнеше рет келмегені, кейін Қазақстаннан кетіп қалғаны туралы ақпарат тарады. Ресми расталмаған мәліметтер бойынша, Роллан Таяу Шығыста немесе Оңтүстік-Шығыс Азияда болуы мүмкін.
Айта кетейік, полицияның ресми жауабында төбелестің мән-жайы, блогердің шетелге шығуы және басқа тұлғалардың қатысуы туралы мәліметтер нақтыланбаған.
Назар Роллан туралы не белгілі?Назар Роллан 2018–2019 жылдары Алматыда жол қозғалысы ережелерін бұзған атышулы бейнероликтерімен танылды. БАҚ оны сол кезде "Әл-Фараби даңғылында жүйткіген жүргізуші" деп атаған болатын.
2018 жылы Ролланжүргізуші куәлігінен алты айға айырылғаны хабарланды. 2019 жылы ол мас күйде Porsche рөліне отырғаннан кейін тағы даудың ортасында қалды.
Кейін Tengrinews.kz-ке берген сұхбатында блогер арандатушылық сипаттағы бейнероликтері мен аудиторияның назарын аударуға ұмтылысы туралы айтып берген.
Instagram-дағы бұл жарияланымды көру
Қазір оның Instagram-дағы парақшасына 500 мыңға жуық адам жазылған. Жақында блогер өзінің осыдан жеті жыл бұрынғы ЖҚЕ бұзған видеоларын жариялаған.
Бізді Google-дың негізгі дереккөздер тізіміне қосыңыз
Қосу