Qazaq24.com, Tengrinews.KZ дереккөзінен алынған мәліметтерге сүйене отырып жаңалық жариялады..
Қостанайда үш жергілікті тұрғын бір күнде екі автокөлікті ұрлады деген күдікке ілінді. Алдын ала мәлімет бойынша, ер адамдар алдымен ГАЗ көлігін айдап кетіп, жол апатына түскен, содан кейін екінші көлік - Audi-ді иемденуге аттанған. Бұл туралы Tengrinews.kz облыстық ПД баспасөз қызметіне сілтеме жасап хабарлайды.
Полицияның мәліметінше, күдіктілер 26, 19 және 30 жаста. Олар алдын ала сөз байласып, мас күйінде әрекет еткен болуы мүмкін.
Алдымен ГАЗ-ды, содан кейін Audi-ді ұрлағанПолиция нұсқасы бойынша, ер адамдар алдымен ГАЗ-33023 автокөлігін заңсыз иемденіп, соңынан жол апатына ұшыраған.
"Алайда бұл жағдай құқық бұзушыларды тоқтата алмады. Сол күні олар қаланың солтүстік бөлігіне барып, бұл жолы Audi маркалы автокөлігін қайта ұрлаған", - деп хабарлады Қостанай облысының ПД өкілдері.
Жедел-іздестіру шаралары барысында полицейлер үш ер адамды да анықтады. Қазір олардың екі ұрлыққа да қатысы бар-жоғы тексеріліп жатыр.
Күдіктілерді не күтеді?Полицияның хабарлауынша, Audi тізгінінде болған ер адам көлікті мас күйінде басқарғаны үшін Қазақстан Республикасы ӘҚБтК-нің 608-бабы бойынша әкімшілік жауапкершілікке тартылды.
Екі көлік құралын заңсыз иемдену дерегі бойынша сотқа дейінгі тергеу амалдары жүргізіліп жатыр. Құқық қорғау органдары оқиғаның барлық мән-жайын анықтап жатыр.
Полиция өкілдері автокөлікті жымқыру мақсатынсыз заңсыз иемдену қылмыстық жауапкершілікке әкеп соғатынын ескертті.
Еске сала кетейік, бұған дейін Tengrinews.kz ұрланған көлікті сатып алып, ақшадан айырылып қалмау үшін Қазақстанда көлікті сатып алар алдында қалай тексеру керектігі туралы жазған болатын.
Бізді Google-дың негізгі дереккөздер тізіміне қосыңыз
Қосу