Qazaq24.com, Egemen.KZ дереккөзінен алынған ақпаратқа сүйене отырып жаңалық таратты..
Әлемдік бизнес тарихында бұрын-соңды болмаған көрсеткіш тіркелді. SpaceX пен xAI компанияларының бірігуінен кейін америкалық кәсіпкер Илон Масктың байлығы 800 млрд доллардан асты. Бұл туралы ақпаратты Forbes басылымы таратты, деп хабарлайды Egemen.kz.
Фото: Kapital.kz
Миллиардтарды еселеген мәміле
Forbes бағалауынша, SpaceX пен жасанды интеллект саласында жұмыс істейтін xAI компаниясының бірігуі Илон Масктың дәулетін бірден 84 млрд долларға ұлғайтқан. Соның нәтижесінде оның байлығы 852 млрд долларға жетіп, Маск адамзат тарихында мұндай межеден асқан алғашқы тұлға атанды. Біріккен компанияның нарықтық құны 1,25 трлн доллар деп бағаланып отыр.
Мәмілеге дейін Маск SpaceX акцияларының шамамен 42 %-ына (336 млрд доллар) және xAI акцияларының 49 %-ына (122 млрд доллар) ие болған. Бірігу нәтижесінде SpaceX 1 трлн, ал xAI 250 млрд доллар деп бағаланып, кәсіпкер біріккен құрылымның 43%-ын бақылауда ұстап отыр. Бұл үлестің құны 542 млрд долларға тең.
Илон Маск 600 млрд доллары бар жер бетіндегі алғашқы адам атанды
Негізгі активтер және болашақ әлеует
SpaceX бүгінде Илон Масктың ең қымбат активіне айналды. Сонымен қатар оның иелігінде Tesla компаниясының 12% акциясы бар, оның нарықтық құны шамамен 178 млрд долларды құрайды. Бұған қоса, Масктың 124 млрд доллар көлемінде опциондары бар. Бұл есепке Tesla-дағы рекордтық сыйақы пакеті кірмеген. Егер компания алға қойған мақсаттарына жетсе, аталған сыйақы кәсіпкерге 1 трлн долларға дейін акция әкелуі мүмкін.
Бұл Илон Маск үшін соңғы бір жылдағы екінші ауқымды корпоративтік бірігу болып отыр. 2025 жылдың наурыз айында ол xAI мен X платформасын (бұрынғы Twitter) біріктірген еді. Ол кезде xAI 80 млрд, ал X 33 млрд доллар деп бағаланған.
Әлемдік байлық теңгеріміндегі өзгеріс
Айта кетейік, Oxfam қайырымдылық ұйымының есебіне сәйкес, 2025 жылы әлемдегі долларлық миллиардерлердің жиынтық байлығы 16%-ға өскен. Бұл соңғы 5 жылдағы орташа жылдық өсімнен 3 есе жоғары көрсеткіш. Өткен жылы миллиардерлер саны алғаш рет 3000-нан асты. Ал Илон Маск бұған дейін-ақ тарихта байлығы 500 млрд долларға жеткен алғашқы адам ретінде тіркелген.
Сарапшылар Масктың жаңа рекордын технологиялық трансформация мен капиталдың шоғырлану үрдісінің айқын көрінісі деп бағалап отыр.
Соңғы жаңалықтар
Әлемдегі ең бай адам: Илон Масктың дәулеті 800 млрд доллардан асты
Әлем • Бүгін, 12:51
Ірі салық берешегі бар тұлғаларға елден шығуға тыйым салынады
Қоғам • Бүгін, 12:27
Қысқы Олимпиада ойындары: Ұландық спортшылар ел намысын қорғайды
Қысқы спорт • Бүгін, 12:12
Әлемдік мұнай өндіру өсіміне ықпал ететін елдер қатарында Қазақстан бар ма?
Экономика • Бүгін, 12:02
Дохада Қазақстанның Мәдениет күндері басталды
Қазақстан • Бүгін, 11:50
Павлодарда қанша адам онкологиялық ауруларға шалдыққан?
Аймақтар • Бүгін, 11:27
2025 жылы Қазақстан әлем елдеріне қанша тонна мұнай сатты?
Экономика • Бүгін, 11:18
Астанада заңсыз лотерея ұйымдастырған блогерлер үйқамаққа алынды
Қоғам • Бүгін, 10:54
Қосылған құн салығы дәрі-дәрмек бағасына әсер етпейді
Медицина • Бүгін, 10:49
Ұлттық банк банкаралық мобильді төлемдер жүйесін әзірледі
Қоғам • Бүгін, 10:47
Велоспорттан Азия чемпионаты басталды
Спорт • Бүгін, 10:36
Қазақстанда қай жолдар жабық тұр?
Ауа райы • Бүгін, 10:25
Теңге • Бүгін, 10:18
2027 жылға қарай электр энергиясына деген ішкі қажеттілік толығымен жабылады
Үкімет • Бүгін, 10:00
12,3 млрд теңге шығын: Түркістан жолдары неге мерзімінен бұрын бұзылған?
Аймақтар • Бүгін, 09:58