Sputnik.KZ парақшасынан алынған ақпаратқа сүйене отырып, Qazaq24.com хабарлама жасады..
АЛМАТЫ, 2 қазан –Sputnik. Алматы облысында әлеуметтік тұрғын үйге бөлінген 101 млн теңгеден астам қаражатты жымқырған үш адам сотталды, деп хабарлайды облыстық прокуратура.
Оқиға Райымбек ауданында болған. 2019-2024 жылдар аралығында жалпы құны 596 млн теңгеден асатын 55 тұрғын үй сатып алынған.
"Тұрғын үйдің құнын негізсіз көтеріп, кейін бюджет қаражатын қолма-қол ақшаға айналдыру және оны схемаға қатысушылар арасында бөлу фактілері анықталды. Салдарынан мемлекетке 101,4 млн теңге көлемінде залал келтірілген", - дейді прокуратура.
5 тамыздағы сот үкімімен үш адам Қылмыстық кодекстің 189-бабында көзделген қылмысты жасағаны үшін кінәлі деп танылып, 7-8 жылға бас бостандығынан айырылды.
Сонымен қатар олар белгілі бір лауазымдарды атқару және белгілі бір қызметпен айналысу құқығынан өмір бойына айырылды.
Сот үкімі заңды күшіне енген жоқ.