Qazaq24.com, Egemen.KZ дереккөзінен алынған ақпаратқа сүйене отырып мәлімет бөліседі..
Экономист Алмас Чукин Алматы маңындағы демалыс аймағын дамытуға арналған «Almaty Superski» жобасы бойынша өз пікірін жариялады. Оның айтуынша, жоба тек туризмді емес, қала тұрғындарының тауға қолжетімділігін арттыруды көздейді, деп жазады Egemen.kz.
Фото: Владимир Третьяков
«Алматының кез келген жерінен таулар көрініп тұрады. Бірақ соған қарамастан, қаладағы көптеген отбасы үшін тауға бару әлі де қиын. Көктем мен күзде жол батпаққа айналады, қыста инфрақұрылым болмағандықтан қарапайым адамдарға тауға шығу қиын. Нәтижесінде тұрғындар таудың табиғатын тек жаздың бірнеше айында ғана тамашалай алады», дейді Алмас Чукин.
Оның пікірінше, балалардың табиғатты сүюі үшін тауға жиі барып, оны өз көзімен көруі маңызды. Экономист жобаның отбасы демалысына бағытталғанын атап өтті.
«Жобадағы трассалардың 70 пайызы жаңадан үйренушілер мен балаларға арналған. Бұл кәсіби спортшыларға ғана арналған элиталық курорт емес. Мұнда ата-аналар балаларын алғаш рет шаңғы тебуге немесе тау жолдарымен серуендеуге алып келе алады», деді ол.
Экономист қазіргі таңда Шымбұлақ тау курортының бағасы тым қымбат екенін айтты. Оның сөзінше, жаңа жоба бұл мәселені азайтып, тауға қолжетімділікті кеңейтеді.
«Жаңа 3S аспалы жолы сағатына 4500 адамды тасымалдай алады. Бұл тауға шығатын қоғамдық көлік секілді болады. Адамдар Медеуге автобуспен, таксимен немесе жеке көлікпен оңай жете алады. Алматы тұрғындары үшін тауға тұрақты түрде шығуға мүмкіндік пайда болады», деді Алмас Чукин.
Ол сондай-ақ жоба аясында таудағы туризмнің реттелетінін айтып, инфрақұрылым табиғатты сақтауға көмектеседі деп есептейді.
«Қазір адамдар тауға бейберекет барады: қоқыс тастайды, ретсіз соқпақтар пайда болады. Ал инфрақұрылым болса, туристер арнайы бағыттармен жүреді, қоқыс жүйелі түрде шығарылады, бақылау күшейеді. Канат жолдары автокөлік санын азайтып, экологияға түсетін салмақты төмендетеді», деді экономист.
Алмас Чукиннің айтуынша, жоба іске асса, жылына шамамен бір миллион турист келуі мүмкін. Бұл экономикаға жыл сайын 500 миллиард теңгеге дейін табыс әкеледі. Сонымен қатар 5 мыңға жуық жаңа жұмыс орны ашылады деп күтілуде.
«Таулар тек алыстан қарайтын көрініс емес, адамдар күнделікті барып демалатын орынға айналуы керек. Бұл жоба балаларға, отбасыларға және жалпы қала тұрғындарына қажет», деп түйіндеді ол.
Соңғы жаңалықтар
Алмас Чукин: Алматы таулары халыққа қолжетімді болуы керек
Қоғам • Бүгін, 18:10
LRT іске қосылғалы бері 180 мыңнан астам жолаушы тасымалданды
Қоғам • Бүгін, 18:01
Экономика өсімі бар, бірақ табыс неге артпайды? Министр жауап берді
Экономика • Бүгін, 17:55
Кәсіпкерлерге қысым көрсетілген: Вагондарды негізсіз кідірту фактілері анықталды
Оқиға • Бүгін, 17:49
Ішкі істер министрлігіне жаңа функция жүктелді
Үкімет • Бүгін, 17:43
Енді ХҚО-ларда кейбір құжаттар берілмейді: Оны қайдан алуға болады?
Қоғам • Бүгін, 17:28
Меркіде үздік қазақы тазылар анықталды
Оқиға • Бүгін, 17:13
1-сыныпқа құжат қабылдау қашан басталады?
Білім • Бүгін, 17:03
Елімізде 14-17 жастағы қыздарға вакцина салынады
Денсаулық • Бүгін, 16:55
Президент: Жасанды интеллект жойқын ақпараттық қаруға айналды
Президент • Бүгін, 16:50
Мемлекет басшысы: Транскаспий бағытының дамуы қауіпсіздік мәселесімен тікелей байланысты
Президент • Бүгін, 16:42
Моуриньо корольдік клубқа қайта оралады: «Реал» екі жылдық келісімшарт ұсынды
Футбол • Бүгін, 16:30
Президент «Орталық Азия – Қытай» елдерінің ішкі істер министрлерін қабылдады
Президент • Бүгін, 16:25
Сұлтан Сәрсемалиевке қатысты негізгі сот процесі 28 мамырға белгіленді
Оқиға • Бүгін, 16:21
Шығыстың радиотелефонисі кикбоксингтен әлем чемпионы атанды
Спорт • Бүгін, 16:10