Tengrinews.KZ парақшасынан алынған деректерге сүйене отырып, Qazaq24.com хабарлама жасады..
Алматыдағы автобуста болған төбелеске қатысты жаңа деректер белгілі болды. Жанжалға қатысқандар ұсталғаннан кейін полиция олардың бірінің басқа да қылмыстарға қатысы болуы мүмкін екенін анықтаған, - деп хабарлайды Tengrinews.kz.
Бұған дейін әлеуметтік желіде қоғамдық көлік ішінде болған төбелестің видеосы тараған еді. Кадрлардан бірнеше ер адам жолаушылардың көзінше жанжалдасып, төбелес шығарғаны көрінеді. Бір сәтте олардың бірінің қолынан пышақ та байқалған.
Полиция төбелеске қатысқан үш адамды ұстап, оқиғаның мән-жайын тексере бастады.
Тексеру барысында тәртіп сақшылары ұсталғандардың жеке басын және бұған дейінгі әрекеттерін анықтаған. Нәтижесінде олардың біріне қатысты өзге де қылмыстық эпизодтар бойынша күдік туындаған.
"40 жастағы ер адам бұған дейін ұрлық жасағаны үшін сотталған болып шықты. Сонымен қатар, әлгі төбелеске бірнеше күн қалғанда оның тағы да қылмысқа барған болуы мүмкін екені белгілі болды. Ер адам Жетісу ауданында велосипед ұрлады деген күдікке ілінді", - деп хабарлады полициядан.
Мұнымен ықтимал эпизодтар аяқталған жоқ.
Жедел уәкілдер оның Алматыдағы жанармай құю станцияларында болған бірқатар ұрлыққа қатысы болуы мүмкін екенін анықтады. Бейнебақылау камералары ер адамның ЖҚС аумағына кіріп, жан-жағына қарап алып, содан кейін түрлі тауарларды жымқырып, ізін суытқанын тіркеген.
Оқиғалардың бірінде жанармай құю станциясының қызметкерлері оны тоқтатпақ болған. Полиция мәліметінше, бұған жауап ретінде ер адам пышақ шығарып, жұмысшыларды қорқыта бастаған.
Қазір бұл бейнежазбалар мен басқа да материалдар негізгі қылмыстық іске тіркелді. Тергеу әрбір эпизодтың барлық мән-жайын анықтап, ұсталған ер адамның осыған ұқсас басқа да қылмыстарға қатысы бар-жоғын тексеруге тиіс.
Instagram-дағы бұл жарияланымды көру
Google News арқылы жаңалықтарымызды қадағалаңыз
Жазылу