Qazaq24.com, Sputnik.KZ дереккөзінен алынған ақпаратқа сүйене отырып жаңалық таратты..
АСТАНА, 15 сәуір – Sputnik. Алматы облысының прокурорлары осы жылдың үш айында 500 млн теңге алимент өндірді, деп хабарлады бас прокуратура.
Айта кетері, алиментті қасақана төлемеген 13 азаматқа қатысты "Балаларды асырауға қаражат төлеу жөніндегі міндеттерді орындамау" бабы бойынша қылмыстық іс қозғалды.
"Оның ішінде 3 адам нақты жазалау шараларымен сотталды, қалғандары бойынша сотқа дейінгі тергеулер жүргізіліп жатыр", - деп жазылған хабарламада.
Прокуратураның бастамасы бойынша 107 борышкер әкімшілік жауапкершілікке тартылды, оның 95-і 5 тәулікке дейінгі мерзімге әкімшілік қамауға алынды.
Сонымен қатар, балалардың пайдасына жалпы құны 32 млн теңге болатын 8 мүлік объектісі, атап айтқанда, жер учаскелері, тұрғын үйлер және автокөлік берілді.
Мысалы, борышкерлердің бірі берешекті өтеу есебінен өндіріп алушыға құны 7,5 млн теңге болатын жер учаскесін берді.
Қабылданған шаралар ата-ана міндеттерін орындаудан әдейі жалтарған адамдар үшін жауапкершіліктің сөзсіз болуының тұрақты тәжірибесін қалыптастырады, дейді прокурорлар.