Алматы орталығындағы ТК дағы өрт: зардап шеккендердің жағдайы белгілі болды

Алматыдағы Әди Шәріпов көшесінде орналасқан тұрғын үй кешеніндегі өрттен зардап шеккендердің жағдайы белгілі болды. Алты адам медициналық көмекке жүгінді, деп хабарлайды Tengrinews.kz тілшісі қалалық денсаулық сақтау басқармасына сілтеме жасап.

Ведомство мәліметінше, зардап шеккен үш адам қалалық жедел шұғыл көмек көрсету ауруханасына жеткізілді. Тексеруден кейін бір пациент ауруханаға жатқызылды, тағы екеуі амбулаторлық бақылауға жіберілді.

"Тағы екі зардап шегуші Орталық қалалық клиникалық ауруханаға жатқызылды, оларға қажетті медициналық көмек көрсетіліп жатыр. Кәмелетке толмаған бала медициналық тексеруден өткеннен кейін әрі қарай бақылау бойынша ұсыныстар алды. Жақындары ауруханаға жатқызудан бас тартты", - делінген хабарламада.

Еске салсақ, өрт 23 тамыз күні кешке 13 қабатты тұрғын үй кешенінде болды. "101" пультіне хабарлама сағат 22:49-да түсіп, ТЖД-ның алғашқы бөлімшелері бес минуттан кейін жетті.

ТЖД мәліметінше, өрт техникалық бөлмеден және екінші кіреберістің қабаттарынан шыққан. Сондай-ақ бірінші кіреберістің 7-ші қабатынан 13-ші қабатына дейінгі электр қалқандары өртенген.

Тұрғындарды құтқару үшін арнайы қорғаныш қалпақтары қолданылды. Баспалдақ арқылы ғимараттан 148 адам, оның ішінде тоғыз бала шығарылды. Операцияға ТЖД-ның 90-ға жуық қызметкері мен 25 техника жұмылдырылған.

Зардап шеккендердің бірі ес-түссіз күйде табылды. Дәрігерлердің жасаған реанимациялық шараларына қарамастан, оны аман алып қалу мүмкін болмады.

ҚАЗІР ТАЛҚЫЛАНЫП ЖАТЫР

Полиция 1 қыркүйек қарсаңында жүргізушілерге үндеу жасады

Бүгін 10:38 1

ТЖД өрттің жайылуына оқиға туралы хабарламаның кеш түсуі себеп болуы мүмкін екенін мәлімдеді. Тұрғындардың ақпараты бойынша, автоматты өрт дабылы өрт сөндірушілерді шақыртпас бұрын шамамен бір жарым сағат бұрын іске қосылған.

Instagram-дағы бұл жарияланымды көру

Алматы қаласы Төтенше жағдайлар департаментінің (@112almaty) жарияланымы

Google News арқылы жаңалықтарымызды қадағалаңыз