Arasha.KZ парақшасынан алынған ақпаратқа сүйене отырып, Qazaq24.com хабарлама жасады..
Алматы тауларында қар көшкіні астында қалған туристердің бірі қаза тапты, деп хабарлайды Arasha.kz Төтенше жағдайлар министрлігінің баспасөз қызметіне сілтеме жасап.
«Алматы қаласы Медеу ауданындағы Титов асуында, 3400 метр биіктікте төрт адамнан тұратын топтың екі мүшесі қар астында қалды. Олардың бірі өз бетінше шығып үлгерді», — делінген хабарламада.
Оқиға орнына Алматы қалалық ТЖД 23-ші әмбебап құтқару бөлімшесінің құтқарушылары, «Барыс» республикалық жедел-құтқару жасағының қызметкерлері, кинологиялық есеп және еріктілер дереу жіберілді. Іздестіру-құтқару операциясы кезінде ұшқышсыз ұшу аппараты (дрон) да қолданылды.
«Жүргізілген жұмыстардың нәтижесінде қар астынан қаза тапқан адамның денесі табылып, шығарылды. Оқиға орнында полиция қызметкерлері мен құтқару қызметінің психологтары жұмыс істеді», — деп толықтырды ТЖМ.