Алматыда Әл Фараби бойымен жүру уақытша шектеледі

16 тамызда Алматыда Gran Fondo World Championship әуесқойлар мен ардагерлер арасындағы велоспорттан әлем чемпионатының өтуіне байланысты әл-Фараби даңғылының жекелеген учаскелерінде көлік қозғалысының схемасы уақытша өзгереді, деп хабарлайды Tengri Auto қалалық спорт басқармасына сілтеме жасап.

Сағат 05:30-дан 06:40-қа дейін әл-Фараби даңғылының Достық даңғылынан Талғар тасжолына дейінгі учаскесінде қозғалыс уақытша шектеледі деп жоспарланған.

Сонымен қатар сағат 05:30-дан 10:30-ға дейін әл-Фараби даңғылының Достық даңғылынан Науаи көшесіне дейінгі аралығында шектеу енгізіледі.

Жолды жабу схемасы, Алматы әкімдігі

Шектеу жарысқа қатысушылар мен жол қозғалысының басқа да мүшелерінің қауіпсіздігін қамтамасыз ету үшін енгізіледі. Жүргізушілерден өзгерістерді алдын ала ескеріп, жүретін бағыттарын уақытша шектеуге сәйкес жоспарлау сұралады.

Еске сала кетейік, 16 тамызда Алматыда Gran Fondo World Championship өтеді. Жарысқа 20-дан астам елден мыңға жуық әуесқой спортшы қатысады деп жоспарланған. Қатысушылар үшін ұзындығы 95, 50 және 37 шақырымдық қашықтықтар дайындалды.
Жарыстың басталуы мен мәресі әл-Фараби даңғылы, 40 мекенжайында орналасады.

Алматыда қай көшелер жабық? 11 тамыз сағат 23:00-ден 15 тамыз сағат 23:00-ге дейін қала шекарасынан Дәулеткерей көшесіне дейінгі учаскеде реверсті қозғалыс енгізілген. 14 тамыз сағат 16:00-ден 00:00-ге дейін Абай даңғылы мен Сәтбаев көшесінің Байзақов көшесінен Сейфуллин даңғылына дейінгі учаскесінде, сондай-ақ Байтұрсынов көшесінің Шевченко көшесінен Тимирязев көшесіне дейінгі аралығында қозғалыс шектеледі.

Тағы оқыңыз: Алматы - Тараз тасжолында жөндеу жұмыстарына байланысты қозғалыс уақытша шектеледі

Google News арқылы жаңалықтарымызды қадағалаңыз

Жазылу