Tengrinews.KZ парақшасындағы деректерге сәйкес, Qazaq24.com ақпарат таратты..
Алматыда экологтар №3 автобус паркін тексеріп, катализаторы жоқ ондаған автобусты анықтады. Бұл туралы қалалық әкімдіктің баспасөз қызметі хабарлады, - деп жазады Tengrinews.kz.
Алматыда экологтар №3 автобус паркін тексеріп, катализаторы жоқ ондаған автобусты анықтады. Бұл туралы қалалық әкімдіктің баспасөз қызметі хабарлады, - деп жазады Tengrinews.kz.
Экологтар мәліметінше, паркте 289 автобус тіркелген, оның 40-ы тексеру кезінде жөндеуде болған. 249 көлік тексеріліп, заңбұзушылықтар анықталды: 50 автобуста катализатор - зиян қалдықтардың деңгейін төмендететін пайдаланылған газдарды шығару жүйесінің элементтері болмаған.
Бұл мұндай заңбұзушылықтар анықталған алғашқы автопарк емес екені атап өтілді. Бұған дейін тексерістер NEO City TRANS және TALAP T автобус парктерінде жүргізілген болатын. Өлшеу қорытындысы бойынша кейбір көлік құралдарында қалдықтардың нормативтен асқаны анықталды.
"Анықталған заңбұзушылықтар бойынша ӘҚБтК-нің 333 және 334-баптарына сәйкес әкімшілік хаттамалар толтырылып, жалпы сомасы 13,3 миллион теңге айыппұл салынды, сондай-ақ заңбұзушылықтарды жою туралы нұсқамалар берілді", - деп хабарлады әкімдік.
Анықтама: ӘҚБтК-нің 333-бабы - Шығарындылардағы ластаушы заттардың мөлшері нормативтерден асатын көлік құралдарын және басқа да жылжымалы құралдарды пайдалануға шығару. Бұл заңбұзушылық үшін лауазымды тұлғаларға, шағын кәсіпкерлік субъектілеріне немесе коммерциялық емес ұйымдарға 40 АЕК, орта кәсіпкерлік субъектілеріне – 80 АЕК, ірі кәсіпкерлік субъектілеріне – 500 АЕК мөлшерінде айыппұл салынады, бұл ретте қызметі тоқтатыла тұруы немесе тыйым салынуы мүмкін немесе онсыз қолданылады.
Анықтама: 334-бап - Шығарындылардағы ластаушы заттардың мөлшері нормативтерден асатын автомотокөлік құралдарын және басқа да жылжымалы құралдарды пайдалану. Жаза ретінде жеке тұлғаларға 10 АЕК, заңды тұлғаларға 100 АЕК мөлшерінде айыппұл қарастырылған.