Qazaq24.com, Egemen.KZ дереккөзінен алынған мәліметтерге сүйене отырып мәлімдеме жасады..
Фото: istockphoto.com
К.Тимирязев пен З.Шашкин көшелерінің қиылысында Kaiyi автокөлігін тоқтатқан полицейлер жүргізушінің масаң күйде екендігін анықтаған. Сонымен қатар тексеру кезінде аталған автокөліктің Наурызбай ауданынан ұрланғаны белгілі болды.
Полицейлердің мәліметінше, ер адам бұған дейін көлік басқару құқығынан айырылған. Күдікті уақытша ұстау изоляторына қамалды.
«Оқиға бойынша автокөлікті заңсыз иемдену, жүргізуші куәлігінен айырылған адамның мас күйде көлік басқаруы бойынша екі қылмыстық іс қозғалды», делінген полиция хабарламасында.
Құқық қорғау органдары жүргізушілерді заң талаптарын сақтауға шақырды.
Еске сала кетейік, бұған дейін ІІМ өткен жылы мас күйде көлік басқарған 23 мың жүргізуші ұсталғанын мәлімдеген еді.