Sputnik.KZ парақшасынан алынған деректерге сүйене отырып, Qazaq24.com жаңалық жариялайды..
АСТАНА, 17 ақпан – Sputnik. Алматыда оқушылар лаңкестік акт туралы жалған хабар таратқан, деп хабарлайды терроризмге қарсы күрес орталығы.
Қала мектептерінің бірінде оқитын үш оқушы сабақты бұзу үшін жарылғыш құрылғы бар деген ақпарат таратқан.
"Хабарлама расталмады, қауіп-қатер жоқ болып шықты. Осы факті бойынша қылмыстық іс қозғалды", - дейді терроризмге қарсы күресу орталығында.
Жасөспірімдер құқық бұзушылықты саналы түрде жасаған. Қолданыстағы заңнамаға сәйкес, кәмелетке толмағандардың заңды өкілдері ретінде олардың ата-аналары әкімшілік жауапқа тартылды.
Мина қойылғаны немесе лаңкестік шабуыл қаупі туралы кез келген жалған хабарлау жауапкершілікке әкелетін құқық бұзушылық, дейді орталық мамандары.