Qazaq24.com, Azh.KZ дереккөзінен алынған мәліметтерге сүйене отырып мәлімдеме жасады..
Алматы халықаралық әуежайында суррогат аналардан туылған нәрестелермен Қазақстаннан кетпек болған шетел азаматтары ұсталды. Бұл ақпаратты Tengrinews.kz сайтына хабарлаған дереккөз растады.
Дерекккөздің хабарлауынша, 11 қарашада төлқұжат бақылауынан өтер кезде жаңа туған балаларымен саяхаттап жүрген Қытайдан келген екі отбасылық жұп тоқтатылды. Шетелдіктерде нәрестелерге қатысты құжаттар пакеті болған, алайда оларға елден шығуға рұқсат етілмеді.
Қазір балаларды әкету әрекетінің мән-жайы мен құжаттардың түпнұсқалығы тексеріліп жатыр. Алматы полиция департаменті шетелдіктердің ұсталғанын растап, қылмыстық іс қозғалғанын хабарлады.
"Бұл факті бойынша Алматы ҚПБ Тергеу басқармасы ҚР ҚК-нің 135-бабы 1-бөлігі ("Кәмелетке толмағандармен сауда жасау") бойынша қылмыстық істі тергеуде. Қазіргі уақытта тергеу жүргізіліп жатыр", - делінген полицияның ресми жауабында.
Құқық қорғау органдары тергеу мүддесі үшін қосымша мәліметтер жария етілмейтінін нақтылады.
Бүгін, 10:38