Sputnik.KZ парақшасындағы деректерге сәйкес, Qazaq24.com ақпарат таратты..
АЛМАТЫ, 19 маусым - Sputnik. Алматыда биыл жыл басынан бері заңсыз сауда жасаған бірнеше базар анықталды, деп хабарлайды қалалық әкімдік.
Қалада ретсіз сауданың 45 ошағы анықталды, онда 1211 адам сауда жасаған. Бүгінгі таңда олардың 27-сі жойылды. Қалған сауда орындарының басым бөлігі ірі базарлар маңында, оның ішінде "Барахолка" аумағында орналасқан.
"Мемлекет меншігіндегі жерлерде 516 сауда нысаны анықталып, оның 413-і сүрілді. Қалған 103 нысан бойынша тиісті жұмыстар жалғасып жатыр. Сонымен қатар жеке меншік аумақтардағы 1093 нысанға мониторинг жүргізілді", - дейді әкімдік.
Әкімдік проблемалық учаскелерге бақылауды күшейту қолға алынып, заңсыз нысандарды бұзу жұмыстары жалғасып жатқанын айтты.