Sputnik.KZ парақшасынан алынған ақпаратқа сүйене отырып, Qazaq24.com хабарлама жасады..
АСТАНА, 4 наурыз – Sputnik. Алматыда жеке тұрғын үйге қарулы шабуыл жасалды. Қаскөйлер қарумен қорқытып, ақша мен алтын бұйымдарды иемденген, деп хабарлады қалалық полиция департаменті.
Келтірілген жалпы материалдық шығын шамамен 4 миллион теңгені құрады.
"Жедел және тергеу іс-шараларының үйлесімді нәтижесінде полиция қызметкерлері арнайы мақсаттағы жасақтың қатысуымен қылмысқа қатысы бар барлық тұлғаны анықтап, ұстады", - деп жазылған хабарламада.
Тартып алынған мүліктің бір бөлігі заңды иесіне қайтарылды, қалған бөлігі сараптама жүргізу үшін тәркіленді.
Алатау аудандық полиция басқармасының бастығы Еділхан Байғараевтың айтуынша, қылмыс мұқият жоспарланған, күдіктілер ізін жасыруға әрекеттенген.
"Полиция бөлімшелері мен арнайы жасақтың кәсіби және үйлесімді жұмысының арқасында қылмысқа қатысушылар қысқа мерзімде ұсталды", – деді ол.
Қазіргі уақытта ұсталғандардың өзге де ұқсас қылмыстарға қатысы бар-жоғы тексеріліп жатыр.