Qazaq24.com, Aikyn.KZ дереккөзінен алынған ақпаратқа сүйене отырып жаңалық таратты..
Оқиға 25 қаңтар күні Абылай хан даңғылы мен Саин көшесінің қиылысында, автобус бағдаршамның қызыл түсінде тоқтап тұрған сәтте болған, – деп хабарлайды Aikyn.kz сайты.
Алдын ала мәлімет бойынша, 53 жастағы жүргізушінің жағдайы кенеттен нашарлап, жедел инфаркт алған.
Жолаушылардың бірі жағдайды дер кезінде байқап, жүргізуші кабинасына кіріп, тежегішті басқан. Соның арқасында жол-көлік оқиғасының алдын алуға мүмкіндік туған. Куәгерлер жедел жәрдем шақырғанымен, оқиға орнына келген медицина қызметкерлері жүргізушінің қайтыс болғанын ғана тіркеген.
«Оқиға Абылай хан даңғылында, Саин көшесімен қиылыста, автобус тыйым салынған бағдаршам сигналына тоқтаған сәтте болды. Жүргізушінің жағдайы күрт нашарлады», – деп хабарлады АлматыЭлектроТранс өкілдері.
Сонымен қатар, жүргізушінің рейске шығар алдында міндетті медициналық тексеруден өткені белгілі болды.