Qazaq24.com, Inform.KZ дереккөзінен алынған мәліметтерге сүйене отырып ақпарат бөліседі..
Жол инфрақұрылымын дамыту басқармасы мәліметінше, қазіргі уақытта 22 мың шаршы метрден астам жол төсемі жөнделеді. Олардың қатарында Гоголь, Төле би, Розыбакиев, Мақатаев, Наурызбай батыр, Байтұрсынұлы, Мәметова, Қонаев көшелері, сондай-ақ Абай, Рысқұлов, Сейфуллин, Абылай хан даңғылдарының және басқа да магистральдық көшелердің жекелеген учаскелері бар. Бұл жұмыс аясында 110 люк көтеріліп, 159 люк ауыстырылған және 281 жаңбыр суына арналған науа жаңартылды.
- Қазіргі таңда Зенков және Жетісу көшелерінің жекелеген учаскелерінде орташа жөндеу жұмыстары жүргізіліп жатыр. Жалпы, орташа жөндеумен ұзындығы 290 шақырым болатын 360 көшені, оның ішінде 17 магистральдық көшені қамту жоспарланған. Сонымен қатар, Наурызбай және Алатау аудандарында жол құрылысы басталды. Жоспар бойынша 68 шақырым жол төсемі салынады, - деп хабарлады басқармадан.
Еске салайық, Алматының Әл-Фараби даңғылындағы жаңа жолайрық жобасы кейінгі қалдырылды.
Бұған дейін Алматыда 300 мың шаршы метрден астам жол таңбасы сызылатынын жазғанбыз.