Алматыдағы бірнеше көше демалыс күндері жабылады

Алматыда Абылай хан даңғылында, сондай-ақ Брусиловский және Саин көшелерінде көлік қозғалысы уақытша шектеледі, деп хабарлайды Tengri Auto.

Абылай хан даңғылы

Шектеу 10 қазан сағат 08:00-ден 11 қазан сағат 20:00-ге дейін Райымбек даңғылынан Мәметова көшесіне дейінгі аралықта күшінде болады. Себебі - LRT жобасы аясындағы жұмыстарды жүргізу.

Шектеу 10 қазан сағат 22:00-ден 11 қазан сағат 07:00-ге дейін - Төле би көшесінен Райымбек даңғылына дейінгі аралықта енгізіледі. Себебі - жол жабынын төсеу жұмыстарын жүргізу.

Шектеу 10 қазан сағат 07:00-ден 12 қазан сағат 23:00-ге дейін Рысқұлов даңғылынан Мөңке би көшесіне дейінгі аралықта, сондай-ақ Шәріпов көшесі бойында енгізіледі. Себебі - жол жабынын төсеу жұмыстарын жүргізу.

Аталған учаскелерде ескерту белгілері орнатылады. Жүргізушілерге жүретін бағыттарын алдын ала жоспарлау ұсынылады.

30 қыркүйек пен 15 қазан аралығында Қайрат шағынауданында - Тараз бен Бәйге көшелері қиылысынан Сұлутал мен Бәйге көшелерінің қиылысына дейінгі аралықта қозғалыс шектелген.

5 қыркүйектен 10 қазанға дейін Арықова көшесінің Жетісудан Жангелдин көшесіне дейінгі бөлігінде қозғалыс толығымен тоқтатылды.

8-15 қазан аралығында Орталық көшесі, 36 мекенжайында, Салықов көшесінен Жәңгір хан көшесіне дейінгі бөлікте қозғалыс уақытша шектелді.

Бұған дейін Алматыдағы Саин көшесінде Sky Train жазуы бар қоршау мен бұрғылау қондырғысы пайда болғаны хабарланған еді. Ол жерде не салынатынын тілшілеріміз анықтап көрді. Толығырақ мына материалдан оқыңыз.

Тағы оқыңыз: LRT жұмыстары Абылай хан даңғылына да жетеді: Алматыда жүргізушілерді не күтіп тұр?

Бізді Google-дың негізгі дереккөздер тізіміне қосыңыз