Tengrinews.KZ дереккөзінен алынған мәліметтерге сүйене отырып, Qazaq24.com түсініктеме жасады..
Алматыда бірден 13 негізгі магистраль жаңартылады. Олардың қалай өзгеретінін және жұмыстардың қашан басталатынын Tengrinews.kz тілшілері біліп қайтты.
Алматыда бірден 13 негізгі магистраль жаңартылады. Олардың қалай өзгеретінін және жұмыстардың қашан басталатынын Tengrinews.kz тілшілері біліп қайтты.
Қай көшелер жаңартылады?"Алматы қаласының қоғамдық кеңістіктерді дамыту басқармасы" КММ жұмыстардың 13 көшені қамтитынын хабарлады. Құрылыс-монтаждау жұмыстары сәуір және маусым айларында басталады.
Сәуір айында құрылысшылар мына көшелерді жаңартуға кірісуі тиіс еді:
Розыбакиев, Жандосов, Жароков, Сәтбаев, Сейфуллин, Тимирязев.Маусым айында жұмыстар мына көшелерде жоспарланған:
Масанчи, Мүсірепов, Майлин, Меңдіқұлов, Жолдасбеков, Абай даңғылы, Бұқар жырау желекжолы.Басқармадағылар барлық жоба жергілікті бюджеттен қаржыландырылатынын нақтылады, алайда нақты сомасын жарияламады.
ОБСУЖДАЕТСЯ СЕЙЧАС
Қазақстанның Ибраһим келісімдеріне ресми түрде қосылу рәсімі Астанада өтуі мүмкін
27 сәуір 20:44 1
Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді
30 наурыз 15:27 1
Министр Қазақстандағы курьерлер мен такси жүргізушілері үшін алаңдатарлық болжам айтты
27 сәуір 18:41 1
"Барлық жұмыс тұрғындар мен көше пайдаланушылары үшін уақытша қолайсыздықтарды барынша азайтуды ескере отырып, кезең-кезеңімен іске асырылады және негізгі учаскелердің қолжетімділігі сақталады", – деп хабарлады басқарма.
Жаңғырту жұмыстарының нақты аяқталу мерзімі белгісіз.
Көшелерде не өзгереді?Басқармадағылар жобаларды "қасбеттен қасбетке дейін" қағидаты бойынша жүзеге асыратынын түсіндірді.
"Жобалар жайлы әрі қауіпсіз орта қалыптастыра отырып, қалалық инфрақұрылымды толық жаңартуға бағытталған", – делінген ресми жауапта.
Негізгі өзгерістердің ішінде мыналар жоспарланған:
жаяу жүргіншілер тротуарларын кеңейту және жаңарту; кедергісіз ортасы бар велосипед инфрақұрылымын құру; көше жарығын жаңғырту және жаңа тіректер орнату; ауқымды көгалдандыру жұмыстарын жүргізу: ағаштар мен бұталар отырғызу, көгал егу және автоматты суару жүйесін орнату."Басымдық жаяу жүргіншілерге": Сәтбаев көшесінде не өзгереді?"Сонымен қатар жобаларда шағын сәулет нысандары мен көше жиһаздарын (орындықтар, қоқыс жәшіктері, бастырмалар, күркелер) орнату, көше бойында қоғамдық кеңістіктер ұйымдастыру, навигация және абаттандыру элементтерін енгізу, сондай-ақ жаяу жүргіншілер мен көлік қозғалысының қауіпсіздігін қамтамасыз ету қарастырылған", – делінген жауапта.
Бұған дейін басқарма Сәтбаев көшесін абаттандыру жұмыстарының басталғанын хабарлаған болатын. Луганский көшесінен Байзақов көшесіне дейінгі ұзындығы 3,7 шақырым болатын учаске LDA Design (Лондон) компаниясының жобасы бойынша реконструкцияланады. Абаттандырудың жалпы ауданы 4,5 гектарды құрайды.
Қоғамдық кеңістіктерді дамыту басқармасының рендерлеріБасқарманың нақтылауынша, жобаның басты мақсаты – транзиттік магистральды демалыс пен серуендеуге арналған кеңістікке айналдыру.
Қоғамдық кеңістіктерді дамыту басқармасының рендерлері"Жаяу жүргіншілерге басымдық берілетін жайлы әрі қауіпсіз қалалық ортаны құруға ерекше көңіл бөлінеді. Кеңістік күнделікті серуендеуге, демалуға және тұрғындардың өзара іс-қимылына бейімделіп, ыңғайлы, инклюзивті және эстетикалық тұрғыдан тартымды ортаны қамтамасыз етеді", – делінген хабарда.
Басқарма жаңартылған көшенің Алматы тұрғындары мен қонақтары үшін тартылыс орталығына айналатынына және қаланың инвестициялық әрі туристік тартымдылығын арттыратынына сенімді.
Қоғамдық кеңістіктерді дамыту басқармасының рендерлері Сәтбаев көшесінде қандай жұмыстар жүргізіліп жатыр?Tengrinews.kz тілшілері Сәтбаев көшесінің ұзындығы 3,7 шақырым болатын учаскесінде жұмыстардың қалай жүріп жатқанын тексеріп көруді жөн санадық.
Сәтбаев пен Луганский көшелерінің қиылысынан біз ешқандай белсенді құрылыс жұмыстарын байқамадық.
Фото © Tengrinews.kz / Болат АйтмолдаЖөндеу жұмыстарының алғашқы нышандары Сәтбаев көшесі мен Назарбаев даңғылының қиылысында, Республика алаңы маңында және Тәуелсіздік монументіне қарама-қарсы жерде байқалады. Онда мердігерлер баннерлері бар биік қоршаулар орнатқан.
Фото © Tengrinews.kz / Болат АйтмолдаҚоршаудың арғы жағында және оның маңында арнайы техника жұмыс істеп жатыр.
Фото © Tengrinews.kz / Болат Айтмолда Фото © Tengrinews.kz / Болат АйтмолдаРеконструкциядан кейін Республика алаңы мынадай болуы тиіс:
Фото © Tengrinews.kz / Болат АйтмолдаОдан әрі жүре келе Сәтбаев пен Наурызбай батыр көшелерінің қиылысындағы аялдамалардың бірінде жұмыстардың жүріп жатқанын көрдік. Онда жұмысшылар асфальт жабынын бұзып жатыр.
Фото © Tengrinews.kz / Болат АйтмолдаАлаң маңындағы белсенділікке қарамастан, 23 сәуірдегі жағдай бойынша көшенің қалған бөліктерінде – Байзақов көшесімен қиылысына дейінгі аралықта – тілшілеріміз ешқандай құрылыс жұмыстарын байқамады.
Фото © Tengrinews.kz / Болат Айтмолда Фото © Tengrinews.kz / Болат АйтмолдаСәтбаев көшесін абаттандыру жобасы заманауи, жасыл әрі жаяу жүргіншілерге қолайлы қалалық орта қалыптастыруға бағытталады деп күтіледі. Жұмыстар Республика алаңынан басталып, кезең-кезеңімен жүргізіледі. Сонымен қатар жобаның толық аяқталу мерзімі әзірге нақтыланған жоқ. Біз Алматы көшелерін жаңғырту барысын бақылауды жалғастырамыз.