Qazaq24.com, Aikyn.KZ дереккөзінен алынған мәліметтерге сүйене отырып мәлімдеме жасады..
Мәжіліс депутаты Павел Казанцевтің төрағалық етуімен «AMANAT» партиясының Партиялық бақылау комитеті көшпелі отырысы өтті, - деп хабарлайды Аikyn.kz.
Жиын барысында Партиялық бақылау комитетінің төрағасы Павел Казанцев «AMANAT» партиясының 2023-2027 жылдарға арналған «Халықпен бірге!» сайлауалды бағдарламасын іске асыру жөніндегі жол карталарының Ақтөбе, Қостанай, Ұлытау облыстарында және Алматы қаласында орындалу барысы туралы есебі тыңдалып, орталық және жергілікті атқарушы органдардың жұмысы туралы енақты мәселелер талқыланды.
– Әрбір қойылған міндет толығымен орындалмай, уақытында өткізілмесе оған деген бақылау да, сұрау да қатты. Жол картасы бойынша жүзеге аспаған тармақтарын көз жұма қарау, өткізіп жіберу деген жоқ. орындалмаған тармақтар жоғалып кетпей, келесі кезеңге ауысып, қатаң бақылауға алынады. Біз үшін жаңа серпін беріп қана қоймай, әкімдіктер мен филиалдар үшін Жол картасын іске асыру жөніндегі жұмыстың бағытын көрсету. Бұл серпіліс – ұзақмерзімді әрі болашақтан назарын жазбауы тиіс. Әсіресе, сандық бақылау элементтеріне қатысты пайдаға жарамақ, – деді Павел Казанцев.
«AMANAT» партиясы Партиялық бақылау комитеті төрағасының орынбасары Майра Айсинаның айтуынша, белгіленген төрт аймақта комитеттің көшпелі отырысы өткен.
– Мұндағы мақсат – барлық мүдделі тараптардың қалыптасуымен жергілікті жерде жол картасының іске асыру барысын талқылау, туындаған мәселелерді шешуге көмектесу, жаңа бағдар беру, пайдаланылмаған ұйымдық резервтерді көрсету, жаңа тетіктер мен әдістерді ұсыну. Соның нәтижесінде барлық филиалдарға мәлихаттардағы фракция филалдарына, сондай-ақ жергілікті билік органдарына жол картасын іске асыру жөніндегі жұмыстың тиімділігін арттыру бойынша нақты ұсынымдар берілді. Өкінішке қарай, сол ұсынымдар барлық өңірде бірдей ескеріп, шешім қабылдап, жүзеге асырылған жоқ. Салдарынан іске асырылмаған тармақтармен, мерзімінде пайдалануға берілмеген нысандар қордаланып, биылғы жылы да қиындық туғызып отыр, – деді ол.
Майра Арапқызының айтуынша, 2025 жылғы жол картасын орындамаған аймақтың ең ірісі – Алматы қаласы. Ондағы 25 пунктің 14-і жүрлі түрде проблемалы. Оның үстіне олардың орындалмауы жылдан жылға азаюдың орнына, ұлғайып жатыр.
– Ұлытау облысы бойынша жол картасын 2025 жылдікін алсақ, оның 16 тармағы орындалмаған. Қатарынан орындалмағанжол картасының тармақтары қазіргі күнде 20-ға жетті. Соның ішінде 4 тармақ қатарынан екі жыл, 3 тармақ үш жыл бойы мүлдем орындалмаған. Тіті, сонау 202 жылдардан орындалмаған тармақтар да бар. Бұнің өзі қауіпті әрі қордаланған мәселеге айналып барады. Оған қоса жергілікті әкімдік жол картасының тармақтарына көптеген түзетулер енгізген. Алайда бұл түзетулердің өзі кейінгі жылдарға пайда болған тәуекелдерді жоймайды. Өйткені олар терең талдама мен нақты есепке сүйенбеген. Туындаған проблемалардың себептерін жоймай, тек қана мерзімін ауыстырумен шектелген, – дейді Майра Айсина.
Партиялық бақылау комитеті төрағасының орынбасары басқа өңірлерде осы сияқты жоспарлаудағы олқылықтар нысандарға қаржыландырудың жаппай жетіспеуіне әкеліп отырғанын айтты.
Ақтөбе облысы әкімінің орынбасары Абзал Әбдікәрімовтің айтуынша, 2023 жылы жоспарланған 115 тармақтың 98 тармағы орындалған.
– Ондағы 17 тармақ мерзімінде орындалмаған. Яғни, қазіргі таңда 14 тармақты жүзеге асырдық, үшеуі бойынша жұмыс жалғасып жатыр. Мысалы, 52-тармақ бойынша, Ойыл аудандық ауруханасы күрделі жөндеуі толықтай аяқталып, биыл нысан пайдалануға берілмек. 94 тармақ бойынша 150 орынды мүмкіндігі шектеулі жандарға арналған 16 орталықтың жұмысы тежелді. Оған себеп – құрылыс материалдарының қымбаттауы. Бұл өзгерістер сметаға енгізіліп, сараптаманың оң қорытындысы алынды 2025 жылдың тамызынан құрылыс жұмысы қайта басталды, – дейді Абзал Әбдікәрімов.
Оның айтуынша, «AMANAT» партиясының 2023-2027 жылдарға арналған «Халықпен бірге!» сайлауалды бағдарламасын іске асыру жөніндегі жол картасы – ең әуелі халықтың өмір сүру сапасын жақсартуға және тұрақты дамуын қамтамассыз ететін маңызды бастаманың бірі.
– Өңір тұрғындарын алаңдатын өзекті мәселелер мен нақты сұраныстар толық қамтылған. Сондықтан халыққа берген уәдемізді сапалы әрі уақыты орындау – біздің басты басымдығымыз, – дейді «AMANAT» партиясының мүшесі.
Сонымен қатар, отырыста Ұлытау облысындағы бірнеше нысанның жай-күйі талқыланды. Жаңарқа кентіндегі сауықтыру-дене шынықтыру кешені 1,2 млрд теңгеге жоспарланған, бірақ 2023 жылы құрылыс материалдарының қымбаттауына байланысты іске аспаған. 2025 жылы нысанды аяқтауға 299,3 млн теңге бөлініп, қазіргі уақытта пайдалануға берілген. Ұлытау ауылындағы жабық жүзу бассейні жобасы 60% дайындық деңгейінде, құрылыс жұмысы мердігер ұйымдар арасындағы дауға байланысты кешігіп, толық аяқталуы 2027 жылға белгіленген.