Qazaq24.com, Inform.KZ дереккөзінен алынған мәліметтерге сүйене отырып мәлімдеме жасады..
Жаңа модельдің басты ерекшелігі – дәстүрлі Apple Silicon M-сериясының чиптерінің орнына iPhone 16 Pro смартфонында қолданылатын A18 Pro процессорының пайдаланылуы. Өнімділік тұрғысынан бұл шешім қазіргі MacBook Air модельдерінен төмен болуы мүмкін, алайда A18 Pro қуаты M1 чипімен шамалас деңгейде бағаланып отыр.
Ноутбук диагоналі 13 дюймден кіші, шамамен 12,9 дюймдік дисплейге ие болады деп болжануда. Құрылғы металл корпуста шығарылады, пластик қолданудан компания бас тартқан. Оның орнына Apple алюминий корпусты жылдамырақ әрі үнемді өндіруге мүмкіндік беретін жаңа технологияны әзірлеген. Бұл тәсіл қазіргі MacBook Air және MacBook Pro модельдеріне қарағанда тиімдірек болмақ.
Сонымен қатар түс гаммасына ерекше көңіл бөлінген. Сынақ аясында ашық сары, ашық жасыл, көгілдір, қызғылт, күміс және қою сұр түстер қарастырылуда.
Құрылғының болжамды бастапқы бағасы шамамен 699 АҚШ долларын құрауы мүмкін. Бұл 999 доллар тұратын базалық MacBook Air нұсқасынан айтарлықтай арзан.
Apple 4 наурызда қандай жаңалықтар ұсынатынын мына сілтемеден оқыңыз.