Egemen.KZ парақшасындағы деректерге сәйкес, Qazaq24.com ақпарат таратты..
Қайбір жылдары қазақтың беташары материалдық емес мәдени мұра құндылығы ретінде ЮНЕСКО тізіміне енгенде, төбеміз көкке жетердей қуанғанбыз. Беташар деген соң сәукелені аттап өте алмайсыз. Жаңа түскен жас келіннің сәукелесі деген соң, әжелердің кимешегі еске түседі. Осындай құндылықтар жасаушы қолы алтын жандар қасымызда жүргенін біле бермейміз. Соның бірі һәм бірегейі – Бұлбұлхан Серғазықызы.
Былтыр көрші Ресейдің Омбы қаласында XXIV Еуразиялық ұлттық киімдердің сән байқауы өтіп, оған Астананың іргесіндегі Қоянды ауылының тұрғыны, айтулы қолөнер шебері Бұлбұлхан Серғазықызы қатысып, ІІ орыннан көрініп, ұлттық сән үлгісінің мерейін үстем етті. 2025 жылдың қарашасында ұйымдастырылған «Этно-Эрато» атты еуразиялық ұлттық киімдер сән байқауында 40 мемлекеттен 300-ге жуық үміткер жарысқа түскен. Осыншама қатысушының арасынан оза шауып, ұлттық киім үлгілерінің дизайнері ретінде ақ кимешек топтамасын ұсынған Бұлбұлхан апай жүлделі орын иегері атанды. Оның еңбегін қазылар алқасының 19 мүшесі бірауыздан қолдап, жоғары бағалады. Өзі болса, «қолдау білдірген барша қазылар алқасына алғысым шексіз» дейді.
Бұлбұлхан Серғазықызы – 58 жаста, елде және шетелдерде өткен түрлі қолөнер байқауларының жеңімпазы. Республикалық «Ақ кимешек – ұлт ажары» атты байқауда бас жүлдені иеленсе, Ақмола облысында өткен «Сәнді сәукеле мен киелі кимешек шебері» байқауында да бас жүлдеге қол жеткізіп, туған ауылы Қояндының мерейін үстем етті.
30 жылдық тәжірибесі бар қолөнер шебері әжелердің ақ кимешегі мен басқа да ұлттық бұйымдарға аманат деп қарап, ата-бабадан жеткен асыл мұраны насихаттаудан жалыққан емес. Бұлбұлхан Серғазықызы өнерін мүмкіндігі шектеулі жандарға және өсіп келе жатқан жас ұрпаққа үйретіп, ұлттық құндылықтарды дәріптеп жүр.
Алпыс жасқа таяп қалса да, ол «ұрпаққа берерім әлі де көп» деп, ізгілік жолындағы еңбегін талмай жалғастырып келеді.
Соңғы жаңалықтар
Тұлға • Бүгін, 08:20
Сұхбат • Бүгін, 08:15
Ғалам ғажаптары • Бүгін, 08:10
Аймақтар • Бүгін, 08:05
Аймақтар • Бүгін, 08:03
Ғалам ғажаптары • Бүгін, 08:00
Аймақтар • Бүгін, 07:58
Мирас • Бүгін, 07:55
Өнер • Бүгін, 07:50
Басылым • Бүгін, 07:45
Аймақтар • Бүгін, 07:40
Ғалам ғажаптары • Бүгін, 07:35
Ұлттық ғылым академиясында AI SilkNet Қазақстан–Корея жасанды интеллект орталығы ашылды
Қоғам • Бүгін, 00:28
Капитал нарығы үшін дамудың жаңа кезеңі: KASE басшысы негізгі басымдықтарды атап көрсетті
Қаржы • Бүгін, 00:13
Алматыда «Орталық Азия мұраты» атты жаңа монография таныстырылды
Аймақтар • Бүгін, 00:05