Sputnik.KZ парақшасындағы деректерге сәйкес, Qazaq24.com ақпарат таратты..
АСТАНА, 14 қаңтар - Sputnik. "Алматы - Қызылорда" бағытында ұшқан Airbus A320 ұшағы әуежайға қайта оралды, деп хабарлайды Sputnik Қазақстан.
Air Astana компаниясының мәліметінше, ұшақта техникалық ақау туралы индикатор іске қосылған.
"Қызылорда қаласының әуежайында қажетті техникалық мамандар болмағандықтан, экипаж қауіпсіздік рәсімдеріне сәйкес ұшқан әуежайына оралу туралы шешім қабылдады", - дейді компанияда.
Авиатасымалдаушының инженерлік-техникалық қызметі тексеру жүргізген. Алайда ақау анықталмаған.
"Алматыдағы ауа райына және Airbus NEO әуе кемелеріндегі пайдалану шектеулеріне байланысты әуе компаниясы әуе кемесін FlyArystan ұшағына ауыстыруға мәжбүр болды. Осыған байланысты рейс одан әрі кідірді. Ұшақ сағат 02.34-те Алматыдан қайта ұшып кетті", - дейді әуе компаниясында.
Ұшақ өз уақытынан 12 сағат 24 минутқа кешіккен. Тасымалдаушы рейстің кешігуі кезінде жолаушыларға ыстық тамақ пен сусындар ұсынды. Сұраныс бойынша 36 жолаушы қонақ үйге орналастырылды.