Qazaq24.com, Sputnik.KZ дереккөзінен алынған мәліметтерге сүйене отырып жаңалық жариялады..
АСТАНА, 1 шілде – Sputnik. Ақмола облысы Біржан сал ауданында білім беру-сауықтыру орталығында балалар уланып қалды, деп хабарлайды Sputnik Қазақстан.
Облыстық денсаулық сақтау басқармасының мәліметінше, Біржан сал ауданындағы лагерьден улану белгілері бар 4 бала ауруханаға жеткізілген. Балалар құсып, дене қызулары көтеріліп, іштері өткен.
"Балалар инфекция бөлімінде емделеді. Жағдайлары тұрақты, ем толық көлемде қабылданады", - дейді дәрігерлер.
Тағы екі бала дәрігерлер бақылауында, олар лагерьге қайтарылған.
Әлеуметтік желіде балалар Біржан сал ауданындағы "Lingvo Camp" балалар білім беру-сауықтыру орталығында демалғаны айтылып жатыр. Оқиға орнына санитарлық дәрігерлер барған, қазір тексеру жүріп жатыр.