Inform.KZ парақшасынан алынған ақпаратқа сәйкес, Qazaq24.com хабарлайды..
Бірнеше ел стратегиялық маңызды бұғазда кеме қатынасының қауіпсіздігін қамтамасыз ету үшін коалиция құру туралы келісімге келді, деп хабарлайды The Wall Street Journal. Бұл ретте кемелерді сүйемелдеу жөніндегі операциялар аяқталғанға дейін немесе олар аяқталғаннан кейін бастала ма деген мәселе әлі де талқыланып жатыр.
Көп ел осыған байланысты тәуекелдерді ескере отырып, соғыс қимылдары тоқтатылғанға дейін мұндай миссияға қатысуға ашық түрде міндеттеме алудан әлі де бас тартып отыр. Сондықтан әлеуетті коалиция мүшелерінің құрамы туралы ақпарат әзірге жарияланбады.
Осы арада Иран Сыртқы істер министрі Сейед Аббас Арагчи Ормуз бұғазы американдық және одақтастардың кемелерін қоспағанда, халықаралық кеме қатынасы үшін ашық екенін айтты.
Иранның бас дипломаты Al-Araby Al-Jadeed басылымына берген сұхбатында Тегеранның бұғазды жаппағанын және оның халықаралық кеме қатынасы үшін ашық екенін баса айтты. Ол Иранның АҚШ пен Израильмен байланысы бар кемелер үшін бұғазды жапты деген ақпаратқа жауап берді.
Бұған дейін БҰҰ Бас хатшысының гуманитарлық мәселелер жөніндегі орынбасары және төтенше көмек үйлестірушісі Том Флетчер Ормуз бұғазы арқылы гуманитарлық жүктердің қауіпсіз өтуін қамтамасыз етуге шақырды.