Tengrinews.KZ парақшасынан алынған ақпаратқа сәйкес, Qazaq24.com хабарлайды..
АҚШ пен Иран арасындағы "барлық майдандағы соғыс қимылдарын дереу және біржола тоқтатуды" көздейтін негіздемелік келісімге Швейцария Альпісіндегі Люцерн маңында орналасқан Бюргеншток курортындағы сәнді қонақүйлердің бірінде қол қойылады, деп хабарлайды Tengrinews.kz тілшісі DW басылымына сілтеме жасап.
АҚШ пен Иран арасындағы "барлық майдандағы соғыс қимылдарын дереу және біржола тоқтатуды" көздейтін негіздемелік келісімге Швейцария Альпісіндегі Люцерн маңында орналасқан Бюргеншток курортындағы сәнді қонақүйлердің бірінде қол қойылады, деп хабарлайды Tengrinews.kz тілшісі DW басылымына сілтеме жасап.
Басылымның мәліметінше, бұл туралы кеше Швейцария СІМ мәлімдеген.
СІМ өкілдерінің нақтылауынша, курортты кездесу орны ретінде Пәкістан мен Катар делдалдары, сондай-ақ АҚШ пен Иран тараптары ұсынған. Қонақүй бару қиын жерде орналасқан, сондықтан ол жерде қауіпсіздік шараларын қамтамасыз ету оңайырақ.
Сонымен қатар АҚШ президенті Дональд Трамп келісім Ислам Республикасының ядролық қаруға ие болу мүмкіндігін үзілді-кесілді жоққа шығаратынын мәлімдеді. Бұл туралы Өзара түсіністік туралы меморандумда анық айтылған деп сендірді Ақ үй басшысы G7 саммиті өтіп жатқан Францияда.
Президенттің айтуынша, ол келісім мәтінін АҚШ Конгресінің қарауына ұсынады.
"Мен оны Конгреске ұсыну туралы ешқашан ойламаған едім, шынында мүлдем ойланбаппын, бірақ мен мұны істеймін. Мен оны Конгреске ұсынамын. Маған бұл идея ұнайды", - деді Трамп журналистерге.
Бірнеше аптаға созылған келіссөздерден кейін, 14 маусымда АҚШ пен Иран соғысты тоқтату туралы негіздемелік келісімді мақұлдады. Келісім, соның ішінде, бітімгершілікті ұзартуды, Ормуз бұғазын ашуды және әрі қарайғы келіссөздерді, соның ішінде Тегеранның ядролық бағдарламасы бойынша келіссөздерді көздейді. Уағдаластықтың нақты мазмұны әзірге беймәлім. Трамп тек мәмілеге қол қою жұмаға, 19 маусымға жоспарланғанын нақтылады.
Иран Сыртқы істер министрінің орынбасары Казем Гариб-Абади сол кезде мәміле мәтінінің келісілгені туралы ақпаратты растап, құжатқа қол қою 19 маусымда Швейцарияда өтетінін айтты.
Германия, Франция, Ұлыбритания және Италия Ормуз бұғазында кеме қатынасын қайта бастауды қолдауға дайын екендіктерін білдірді. ГФР Сыртқы істер министрі Иоханн Вадефуль жақын күндері еуропалық серіктестермен және Парсы шығанағы елдерімен кездесу өтуі мүмкін екенін хабарлады, бірақ ешқандай егжей-тегжейлі мәлімет берген жоқ.
АҚШ пен Иран арасында қол жеткізілген уағдаластық туралы айта келе, ГФР СІМ басшысы түрлі нұсқаларды естіп жатқанын атап өтті: "14 тармақ", "бір-екі бет".
"Алдымен біз оны оқып шығуымыз керек. Біз оны түсінуіміз керек. Біз бұған қатысты сұрақтар қоюымыз керек", - деді ол ZDF телеарнасына берген сұхбатында.
Сонымен қатар Вадефуль Бундесвердің болашақ халықаралық операцияға қатысу мандаты туралы айту "әлі ерте" екенін атап өтті.
Бұл арада AFP агенттігі АҚШ пен Иран арасында жасалған Өзара түсіністік туралы меморандумға цифрлық форматта қол қойылып қойғанын еске салды.
Google News арқылы жаңалықтарымызды қадағалаңыз
Жазылу