Qazaq24.com, Egemen.KZ дереккөзінен алынған мәліметтерге сүйене отырып жаңалық жариялады..
Фото: Еuronews.com
Бейрутте өткен келіссөздер барысында аумақты бақылауды Ливан армиясына беру көзделген алғашқы «пилоттық аймақты» іске қосу мәселесі қаралды. Аталған аумақтардағы іс-қимылды үйлестіру міндетін АҚШ Орталық қолбасшылығы өз мойнына алады.
Алдын ала келісілген жоспарға сәйкес, Израиль бөлімшелері кезеңмен шығарылғаннан кейін осындай екі аймақ құру қарастырылған. Бұл құжат бұған дейін АҚШ-тың араағайындығымен Израиль мен Ливан арасында келісілген болатын.
Қазіргі уақытта Израиль армиясы бұл өңірде «Хезболла» қозғалысына қарсы операция жүргізіп жатыр. Алайда «Хезболла» тобы бұл келісімдерге қарсы екенін білдірді. Ұйым өкілдері келісім Израиль күштерінің Ливан аумағынан толық шығарылуына кепілдік бермейтіндігін мәлімдеді.
Таяу Шығыстағы шиеленіс күшейді: АҚШ пен Иран өзара соққы алмасты
Келіссөздер жүріп жатқанына қарамастан, аймақтағы жағдай әлі де тұрақсыз күйінде қалып отыр. Еске сала кетейік, бұған дейін Израиль әскері Ливанның оңтүстігіндегі Мадждаль-Зун ауылында әскери операция жүргізіп, «Хезболла» қозғалысына тиесілі жерасты инфрақұрылымын жойғанын хабарлаған еді.