Qazaq24.com, Sputnik.KZ дереккөзінен алынған мәліметтерге сүйене отырып ақпарат бөліседі..
АСТАНА, 19 қазан – Sputnik. АҚШ президенті Дональд Трамп Truth Social әлеуметтік желісінде Вашингтон Ресейге қарсы санкцияларды кез келген сәтте қатаңдата алатынын мәлімдеді.
"Бұл құжатқа (санкциялар туралы – редакция ескертпесі) қазір қол қою дәл осындай жағымсыз нәтижеге әкелер еді. Оған кейінірек, қажет деп санаған кез келген уақытта қол қоя аламын!", - деп жазды ол.
Трамптың айтуынша, ол Украина мәселесі бойынша келіссөзден Ресейді алыстататын ешқандай әрекет жасағысы келмейді.
"Айтарлықтай ілгерілеушілікке қол жеткізілді", - деп толықтырды Трамп.
АҚШ президенті сенбі күні Ресей мен Иранға қарсы "аса қатаң санкциялар" туралы заңда көзделген шаралардың бір бөлігін қолданбау туралы шешім қабылдады.
Трамп Ресейден тікелей импортталатын тауарларға 500 пайызға дейін, сондай-ақ Мәскеуден энергия ресурстарын сатып алатын бес ірі елдің тауарларына 100 пайызға дейін баж салығын енгізуден бас тартты. Сонымен қатар ол осы заңда көзделген шенеуніктерге, банктер мен ұйымдарға қатысты шектеулерді де енгізбейтін болды.