Azh.KZ парақшасынан алынған ақпаратқа сүйене отырып, Qazaq24.com хабарлама жасады..
Атырау облысының әкімі Болат Ақшолақов Құттығай батыр көшесіндегі жолды қайта жаңарту барысын тексерді.
Жоба бойынша ұзындығы 647 метрлік бөлікті жаңартып, төрт жолақты магистраль салу жоспарланған. Қазіргі таңда асфальтбетонның төменгі қабаты төселіп, үш теміржол өткелі қайта жасалуда.
Аймақ басшысы құрылыс алаңын аралау кезінде жұмыс қарқынының баяулығын және жұмысшылар санының жеткіліксіздігін сынға алды. Ол мердігерлерге техника мен жұмыс күшін көбейтіп, құрылыс-монтаждау жұмыстарын 25 тамызға дейін толық аяқтауды тапсырды.
«Құрылыс қарқыны қойылған міндетке сай емес. Кесте сақталмаса, заңға сәйкес жауапкершілікке тартылуларыңыз мүмкін», – деді Болат Ақшолақов.
Бүгін, 23:10