Qazaq24.com, Aikyn.KZ дереккөзінен алынған ақпаратқа сүйене отырып жаңалық таратады..
Ақтөбе облысының Кеңқияқ ауылында 13 жастағы жасөспірімнің өлімі тіркелді.
Ол сол күні мектептің екінші ауысымына баруға тиіс болған, бірақ сабаққа келмеген. Мұғалімдер отбасы мүшелерімен байланысқа шыққаннан кейін, баланы іздеу жұмысы басталған.
21 сәуір кешкі уақытта ата-анасы жасөспірімді үйдің жанындағы сарайдан тапқан.
Қазіргі таңда оқиғаның түрлі нұсқалары қарастырылуда, соның ішінде мектептегі жағдайлар да тексеріліп жатыр. Нақты себептері анықталу үстінде.
Жасөспірім толық отбасында тәрбиеленген. Әкесі мұнай саласында жұмыс істейді, анасы мұғалім. Отбасында төрт бала бар, марқұм екінші бала болған. Педагогтердің айтуынша, ол белсенді оқушы болып, мектеп өміріне қатысып жүрген, сондай-ақ ат спортына қызыққан.
Аталған дерек бойынша полиция қылмыстық іс қозғап, тергеу жұмыстарын жүргізуде. Мектеп ішінде де қызметтік тексеріс басталған.