Qazaq24.com, Egemen.KZ дереккөзінен алынған ақпаратқа сүйене отырып мәлімет бөліседі..
Жергілікті тұрғындардың айтуынша, жайылымнан қайтқан мал әлсіреп, жем-шөп пен судан бас тартқан. Бірнеше күннен кейін мал жаппай өле бастаған.
Осыған байланысты мал иелері аурудың әрі қарай таралуынан қауіптеніп, елді мекенде карантин енгізуді сұрап отыр.
Ветеринар мамандар ауру малдан сынамалар алып, зертханаға жолдаған. Зерттеу қорытындысы бойынша ірі қарадан тейлериоз анықталған. Бұл кенелер арқылы жұғатын паразиттік ауру.
Облыстық ветеринария басқармасының мәліметінше, тейлериоз адамдарға қауіп төндірмейді және карантин енгізілетін аса қауіпті жұқпалы аурулардың қатарына жатпайды.