Qazaq24.com, Sputnik.KZ дереккөзінен алынған мәліметтерге сүйене отырып жаңалық жариялады..
АЛМАТЫ, 26 мамыр – Sputnik. Ақтөбе облысындағы Жосалы ауылының маңында мектеп жұмысшысы суға кетті, деп хабарлайды Sputnik Қазақстан.
Ол Қуағаш өзеніне батып кеткен. 1967 жылы туған ер адам түскі үзіліс кезінде Жосалы ауылының маңында демалған. Оқиға орны шомылуға арналмаған.
"Куәгерлер оны судан тез шығарып алған. Дереу жүрек-өкпе реанимациялық шаралары жүргізілді, соның арқасында жәбірленушінің тынысы қалпына келтірілді. Алғашқы медициналық көмек көрсетілгеннен кейін ер адам медициналық мекемеге жеткізіліп, жансақтау бөліміне жатқызылды. Дәрігерлердің күш-жігеріне қарамастан, ер адам көз жұмды", - дейді Ақтөбе облысының білім басқармасы.
Білім басқармасының айтуынша, ер адам мектепте дәнекерлеуші болып жұмыс істеген.