Qazaq24.com, Inform.KZ дереккөзінен алынған мәліметтерге сүйене отырып түсініктеме береді..
Ақтөбедегі облыстық үш музейде цифрландыру жүйесі жүріп жатыр. Бұл жұмыс Ақтөбе облыстық тарихи-өлкетану музейі, Ә.Молдағұлованың мемориалды музейі, облыстық өнер музейінде қолға алынған.
— Облыстық музейлердегі экспонат саны 142 570 дананы құраса, бүгінгі күнге дейін 39 335 экспонат цифрландыру жүйесіне көшірілді. Облыстағы үш музейдің барлық экспонат санын қосқанда бұл көрсеткіш 28%-ды құрайды. Музейлерде 8 мыңнан астам экскурсия ұйымдастырылды. Келушілер саны 333 мыңнан асып отыр, — деді Ақтөбе облыстық мәдениет, архивтер және құжаттама басқармасының басшысы Алтынай Юнисова.
Ақтөбе музейлері былтыр 4 мыңға жуық экспонат қабылдады. Көбі мұраға сақтап жүргенін тегін береді. Ал ақылы қабылдау Мемлекеттік сатып алу порталы арқылы жүргізілген соң көбі бұл тетікті қолдандайды.
— Экспонатты көбіне қарапайым адамдар тапсырады. Олар мемлекеттік портал арқылы жұмыс істеймейді. Қазіргі кезде сыйға тартады көбі. Музей түні аясында осы шара ұйымдастырылады. Биыл 110 экспонат қабылданды, — деді Алтынай Юнисова.
Айта кетейік, елімізде биылдан бастап музей салынбайды. Үш жылға мораторий жарияланды.