Qazaq24.com, Sputnik.KZ дереккөзінен алынған ақпаратқа сүйене отырып жаңалық таратады..
АСТАНА, 16 тамыз – Sputnik. Арменияның ҰҚШҰ-ға қатысу перспективалары туралы шешім ақылға қонымды мерзімде қабылдануы тиіс. Бұл туралы ұйымның Бас хатшысы Таалатбек Масадықов мәлімдеді, деп хабарлайды РИА Новости.
"Арменияның ҰҚШҰ-ға қатысу перспективаларына қатысты шешім оңтайлымерзімде қабылдануы тиіс деп есептейміз", – деді Масадыков РИА Новости агенттігіне.
Бұған дейін Ресейдің ҰҚШҰ жанындағы тұрақты өкілі Виктор Васильев РИА Новости агенттігіне Арменияны ҰҚШҰ органдарында дауыс беру құқығынан айыру туралы шешім қабылдау үшін консенсус қажет болатынын мәлімдеген еді. Оның айтуынша, ҰҚШҰ Ұжымдық қауіпсіздік кеңесінің кезекті сессиясы 11 қарашада Мәскеуде өтеді және мемлекет басшылары бұл мәселені талқылауы мүмкін.
Ресейдің Сыртқы істер министрі Сергей Лавров 10 маусымда Арменияның ҰҚШҰ-ға мүшелік жарналарын төлемеуіне байланысты ұйым өз міндеттемелерін орындамайтын мүше мемлекеттерге қатысты іс-қимылды реттейтін Жарғы бабын қолдану мәселесін қарастыратынын мәлімдеді.
Армения 2024 жылы ҰҚШҰ-ға қатысуын тоқтатты. Республика премьер-министрі Никол Пашинянның түсіндіруінше, 2021-2022 жылдары одақтастар Арменияға қатысты ұжымдық қауіпсіздік туралы шарт бойынша өз міндеттемелерін орындамаған. Осыған байланысты Ереван ҰҚШҰ-ға қатысуын "тоқтатты".
Ұйым құрамына Ресей, Беларусь, Армения, Қазақстан, Қырғызстан және Тәжікстан кіреді.