24.KZ парақшасындағы деректерге сәйкес, Qazaq24.com ақпарат таратты..
Әскер жайлы шынайы ақпарат таратып, беделін көтеруге Бас редакторлар клубы атсалыспақ.
Қорғаныс министрлігі мен клуб өзара ынтымақтастық туралы меморандумға қол қойды. Құжат Қарулы Күштері туралы объективті ақпаратты қалыптастыру бойынша бірыңғай тәсілдерді әзірлеуді көздейді. Клуб төрағасының айтуынша, аталған меморандум армияға деген сенімді арттырып, әскери қызметтің абыройын арттыруға ықпал етеді.
Бибігүл Жексенбай, ҚР Парламенті Сенатының депутаты:
- Көптеген гарнизондарда әскери, дивизиялардың орындарында болып, әскерилердің өмірін өз көзіммен көріп отырмын. Шынымен де соңғы жылдары жасалып жатқан жұмыстар өте көп. Беріліп жатқан әлеуметтік желілердегі әсіресе ақпараттардың көбі негізсіз екеніне өз көзіммен жетіп жүрмін. Сондықтан да әскери саладағы жаңағы имидждік мәселелерге дәстүрлі медиа бұқаралық ақпарат құралдарының басшылары, журналистердің өз үлесінің қосуына шақырып, меморандумға қол қойылды.