Әсем киім жарасар...

Egemen.KZ парақшасынан алынған ақпаратқа сүйене отырып, Qazaq24.com хабарлама жасады..

Астана қаласында «Qazaqstan» телерадиокорпорациясының ұйымдастыруымен ұлттық мәдениетті ұлықтауға арналған «Ұлттық киім» шеруі өтті. «MEGA Silk Way» СО орталығындағы тағылымды іс-шара Наурызнама онкүндігі аясындағы Ұлттық киім күніне орай ұйымдастырылды.

Суретті түсірген – Ерлан ОМАР, «EQ»

Мерекелік бағдарлама ұлттық және заманауи этномузыкамен басталып, көпшілікке ерекше әсер сыйлады. Концерт барысында «Сарайшық» этноансамблі музыкалық попурри орындаса, мультиинструменталист Еділ Құсайынов этноәуендерімен кештің көркін аша түсті. Сондай-ақ дәстүрлі ән өнерінің өкілдері Айгүл Елшібаева мен Жазгүл Даңылбаева сахнада өнер көрсетті.

Шеруге дизайнерлер, әншілер, «Qazaqstan» телеарнасының танымал жүргізушілері Нұрбек Бекбау, Армангүл Тоқтамұрат, Ирина Тен, Бексұлтан Әкімжан, сондай-ақ «Qazaqstan» телерадиокорпорациясының қызметкерлері мен қала тұрғындары қатысты. Үкілі кәмшат пен бүрмелі көйлек киген арулар, ақ кимешекті әжелер мен шапан жамылған жігіттерден құралған 230 адамдық топ сауда орталығын аралап, халық әндерін шырқады.

Елордадағы ең үлкен сауда ойын-сауық орталығында өткен шара барысында «Ұмай ана» коллекциясы, «Әдемі-ай», «Жарас» сән клубы, «Құралай», «Хан», «Назим», «Дәстүр», «Асах», «Қазақ ордасы» сынды сән орталықтарының ұлттық үлгідегі киімдері көпшілік назарына ұсынылды.

Соңғы жаңалықтар

Мемлекет басшысы Қасым-Жомарт Тоқаевтың Ораза айт мерекесімен құттықтауы

Президент • Бүгін, 07:30

Ертең еліміздің басым бөлігінде ауа райына байланысты ескерту жасалды

Ауа райы • Кеше

Иран Израильдің ең ірі мұнай өңдеу зауыттарына шабуыл жасады

Әлем • Кеше

Алматыда екі күнге көлік қозғалысы шектеледі

Аймақтар • Кеше

Президент: Ғылым мен адам капиталы – ел дамуының басты бағыты

Президент • Кеше

Министрлік еліміздегі ең көп сатылатын дәрілерді аталды