Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратты..
"ҚТЖ" ұлттық компаниясы ауқымды реконструкциядан кейін Астана-1 вокзалының қандай болатынын егжей-тегжейлі көрсетіп, айтып берді, - деп хабарлайды Tengrinews.kz.
"ҚТЖ" ұлттық компаниясы ауқымды реконструкциядан кейін Астана-1 вокзалының қандай болатынын егжей-тегжейлі көрсетіп, айтып берді, - деп хабарлайды Tengrinews.kz.
Жоба неге қымбаттады?Еске сала кетейік, 2024 жылдың өзінде экс-көлік министрі Марат Қарабаев Tengrinews.kz-ке берген сұхбатында Астана-1 вокзалын күрделі жөндеуге 6 миллиард теңге жұмсау жоспарланғанын мәлімдеген болатын. Алайда 2026 жылдың наурызында елордалық Көлік және жол-көлік инфрақұрылымын дамыту басқармасының нақтылауы бойынша: алдын ала бөлінген сома 16 603 630 982 теңге болған.
Жағдайды түсіндірген "ҚТЖ" өкілдері Астана-1 вокзалының "кластан тыс" мәртебесі бар екенін, бұл оған ерекше міндеттемелер жүктейтінін атап өтті.
Фото ҚТЖ баспасөз қызметінен Жұмыс ауқымы"Бұл кластағы вокзалдарға өрт және санитарлық қауіпсіздікке, күзет және терроризмге қарсы іс-шараларға, үй-жайлар жиынтығы мен олардың ауданына жоғары талаптар қойылады", - деп хабарлады компания.
ҚТЖ мәліметінше, қаражатқа реконструкция көлемі айтарлықтай әсер еткен. Жөндеу жұмыстары тек жолаушылар аймағын ғана емес, әкімшілік ғимаратты да қамтитыны белгілі болды.
Фото ҚТЖ баспасөз қызметінен"Астана-1 вокзалын реконструкциялау құнына 1-2 қабаттағы қоғамдық аймақтың және әкімшілік блоктың 9 қабатының құрылыс-монтаждау жұмыстары енгізілген", – деп мәлімдеді компания.
Вокзалдың жалпы ауданы 9352,8 шаршы метр болады. Сонымен қатар ауданы 6494 шаршы метр болатын аралдық платформа салу қарастырылған.
Фото ҚТЖ баспасөз қызметінен"ҚТЖ" тағы бір уәж ретінде торапқа түсетін жоғары жүктемені атады. Астана-1 станциясының жолаушылар ағыны тәулігіне орта есеппен - 5286 адам.
Фото ҚТЖ баспасөз қызметінен Елордамен салыстырғанда: Абай облысындағы жағдайСонымен қатар Абай облысындағы бірден алты вокзалды (Ақтоғай, Шар, Жалаңашкөл, Үшбиік, Бел-Ағаш және Ауыл) жаңарту бюджетке 4,1 миллиард теңгеге түсетінін анықтадық – бұл елордалық бір жобадан төрт есе арзан.
"ҚТЖ" мұндай айырмашылық өңірлік станциялардың ауқымы кішірек болуымен байланысты екенін айтады:
"Абай облысындағы алты вокзалдың жалпы жолаушылар ағыны тәулігіне орта есеппен 862 жолаушы болады. Астана-1 станциясының жолаушылар ағыны бұдан 8 есе көп", – делінген жауапта.
Сондай-ақ компания Абай облысының вокзалдары 1-2 қабатты ғимараттар ретінде жобаланғанын, ал олардың жалпы ауданы 3024,44 шаршы метрді құрайтынын қосты.
Өңірдегі аралдық платформалар Ақтоғай және Шар станцияларында пайда болады, олардың жалпы ауданы (3677,16 шаршы метр) елордалық бір платформадан екі есе аз.
"ҚТЖ" Абай облысындағы алты нысан бойынша мердігерлермен 339 миллионнан 1,5 миллиард теңгеге дейінгі сомаға қосымша келісімдер жасасқанын хабарлады.
Өңірдегі басты вокзал – Семей вокзалын реконструкциялаудың түпкілікті құны 15 сәуірден кейін белгілі болады. Сондай-ақ айдың соңына дейін Жарма және Дегелең станциялары бойынша сараптама нәтижелері күтіледі.
Аягөздегі жоба әзірге мемлекеттік сараптама порталына жүктелуге дайындалып жатыр.
Елордалық нысанды реконструкциялауды 2026 жылдың 31 желтоқсанына қарай аяқтау жоспарланғаны белгілі болды.
Редакция еліміздегі теміржол тораптарын жаңғыртуға қаражаттың қалай бөлініп жатқанын және белгіленген мерзімдердің сақталу-сақталмауын бақылауды жалғастырады.
Ауқымды жоспарлар: 2026 жылдың аяғына дейін 120-дан аса вокзалды реконструкциялау2026 жылдың аяғына дейін ҚТЖ 120-дан аса теміржол вокзалын жөндеуді жоспарлап отыр. Ұлттық компанияның мәліметінше, олардың 37-сі апатты деп танылып, бұзылуға тиіс - мысалы, Рудныйдағы Железорудная вокзалы бұзылып үлгерді. Олардың орнына жаңа ғимараттар салу жоспарланған.
11 наурыздағы жағдай бойынша 36 вокзалда құрылыс-монтаждау жұмыстары аяқталды, тағы 48-і аяқталу сатысында.